ആസിഫ് അലിയെ നായകനാക്കി മാത്തുക്കുട്ടി സംവിധാനം ചെയ്യുന്ന ചിത്രം ‘കുഞ്ഞെൽദോ’യുടെ മൂന്നാമത്തെ ടീസർ പുറത്തിറങ്ങി. കോളേജ് ക്യാംപസിൽ കൂട്ടുകാർക്കിടയിൽ കലിപ്പ് ലുക്കിൽ നിൽക്കുന്ന ആസിഫ് അലിയാണ് ടീസറിൽ നിറഞ്ഞുനിൽക്കുന്നത്. മാജിക് ഫ്രെയിംസിന്റെ യുട്യൂബ് ചാനലിൽ ആണ് ടീസർ റിലീസ് ചെയ്തത്.
ചിത്രം ഡിസംബർ 24ന് തിയറ്ററുകളിൽ റിലീസ് ചെയ്യും. ആർ ജെ മാത്തുക്കുട്ടി ആദ്യമായി സംവിധാനം ചെയ്യുന്ന ചിത്രമാണ് കുഞ്ഞെൽദോ. വിനീത് ശ്രീനിവാസൻ ആണ് ചിത്രത്തിന്റെ ക്രിയേറ്റീവ് ഡയറക്ടർ. ലിറ്റിൽ ബിഗ് ഫിലിംസിന്റെ ബാനറിൽ സുവിൻ കെ വർക്കി, പ്രശോഭ് കൃഷ്ണ എന്നിവർ ചേർന്നാണ് ചിത്രം നിർമിക്കുന്നത്.
പുതുമുഖമായ ഗോപിക ഉദയനാണ് ആസിഫ് അലി നായകനായി എത്തുന്ന ചിത്രത്തിൽ നായികയായി എത്തുന്നത്. ചിത്രത്തിൽ 19കാരനായിട്ടാണ് ആസിഫ് അലി എത്തുന്നത്. കോളജ് പശ്ചാത്തലമാക്കിയാണ് ചിത്രം ഒരുങ്ങുന്നത്. ഷാൻ റഹ്മാൻ ആണ് ചിത്രത്തിലെ ഗാനങ്ങൾ ഒരുക്കുന്നത്. സ്വരൂപ് ഫിലിപ്പാണ് ഛായാഗ്രഹകൻ. വിനീത് ശ്രീനിവാസൻ ചിത്രത്തിലെ ക്രിയേറ്റീവ് ഡയറക്ടറായും അണിയറയിൽ എത്തുന്നുണ്ട്.
