മിനിസ്‌ക്രീനില്‍ ഏറെ ആരാധകരുള്ള അവതാരകയാണ് ലക്ഷ്മി നക്ഷത്ര. വി ചാനലിലെ ഡ്യു ഡ്രോപ്‌സ് എന്ന പ്രോഗ്രാമിലൂടെയാണ് ലക്ഷ്മി നക്ഷത്ര ശ്രദ്ധിക്കപ്പെടുന്നത്. അതിന് ശേഷം നിരവധി ടെലിവിഷന്‍ പ്രോഗ്രാമുകളിലും സ്റ്റേജ് ഷോകളിലും ലക്ഷ്മി അവതാരകയായി തിളങ്ങി. താരോത്സവം, പട്ടുറുമാല്‍, ഏഷ്യാനെറ്റ് സൂപ്പര്‍ വോയിസ്, സ്‌കൂള്‍ ടൈം തുടങ്ങിയ പ്രോഗാമുകളിലും അവതാരക ആയി. എന്നാല്‍ ലക്ഷ്മിനക്ഷത്രയ്ക്ക് കരിയര്‍ ബ്രേക്ക് നല്‍കിയത് ഫ്‌ളവേഴ്‌സ് ടി.വിയിലെ ടമാര്‍ പടാര്‍ എന്ന പ്രോഗ്രാമും, സ്റ്റാര്‍ മാജിക്കുമാണ്. മിനിസ്‌ക്രീന്‍ താരങ്ങളും മിമിക്രി-ഹാസ്യ താരങ്ങളും പങ്കെടുക്കുന്ന ഒരു ഗെയിം ഷോയാണ് സ്റ്റാര്‍ മാജിക്. പല അവതാരകര്‍ വന്ന് പരാജയപ്പെട്ട പ്രോഗ്രാം ലക്ഷ്മിയുടെ വരവോടെ ഗംഭീരവിജയമായി തീര്‍ന്നു.
സമൂഹമാധ്യമങ്ങളില്‍ വളരെ സജീവമാണ് ലക്ഷ്മി നക്ഷത്ര. തന്റെ പുതിയ വിശേഷങ്ങള്‍ എല്ലാം തന്നെ താരം ആരാധകരുമായി പങ്കുവയ്ക്കാറുണ്ട്. താരം പങ്കുവയ്ക്കുന്ന വിശേഷങ്ങളും ചിത്രങ്ങളും എല്ലാം നിമിഷ നേരം കൊണ്ട് സമൂഹ മാധ്യമങ്ങളില്‍ വൈറലായി മാറുന്നത്. ഇപ്പോള്‍ താരം പങ്കുവെച്ചിരിക്കുന്ന ഏറ്റവും പുതിയ കുറച്ച് ചിത്രങ്ങളാണ് സമൂഹമാധ്യമങ്ങളിലെ ചര്‍ച്ച. നിരവധി ആളുകളാണ് ഈ ചിത്രങ്ങള്‍ ഏറ്റെടുത്തിരിക്കുന്നത്.
തന്റെ പ്രിയപ്പെട്ട പാപ്പുക്കുട്ടിക്ക് കിടിലന്‍ ഓണക്കോടി സമ്മാനമായി നല്‍കിയ ചിത്രമാണ് ലക്ഷ്മി നക്ഷത്ര പങ്കുവെച്ചിരിക്കുന്നത്. ലക്ഷ്മി നക്ഷത്രയുടെ നായ്ക്കുട്ടി ആണ് ഇത്. കിടിലന്‍ പട്ടുപാവാട മോഡല്‍ ഓണക്കോടി ആണ് നായ്ക്കുട്ടിക്ക് ലക്ഷ്മി നക്ഷത്ര നല്‍കിയിരിക്കുന്നത്. നായ്ക്കുട്ടി അതീവ മനോഹരി ആയിട്ടുണ്ട് എന്നാണ് എല്ലാവരും അഭിപ്രായപ്പെടുന്നത്. എന്തായാലും ചിത്രങ്ങളെല്ലാം സമൂഹ മാധ്യമങ്ങളില്‍ വൈറലായി വൈറലായിരിക്കുകയാണ്.
