പതിവ് തെറ്റിക്കാതെ കംപ്ലീറ്റ് ആക്ടർ മോഹൻലാൽ ഈ വർഷവും ആയുർവേദ ചികിത്സ തേടിയ വാർത്ത കഴിഞ്ഞ ദിവസം പുറത്ത് വന്നിരുന്നു. എല്ലാ വർഷവും അദ്ദേഹം ഈ സമയമാകുമ്പോൾ ആയുർവേദചികിത്സക്ക് എത്താറുണ്ട്. ഇത്തവണ എത്തിയത് പെരിങ്ങോട്ടുകര ഗുരുകൃപ ആയുർവേദ ഹെറിറ്റേജിൽ ആണ്. മോഹൻലാൽ-ജീത്തു ജോസഫ് കൂട്ടുകെട്ടിൽ ഒരുങ്ങുന്ന ദൃശ്യം 2 ന്റെ ചിത്രീകരണം ആരോഗ്യ ചികിത്സക്ക് ശേഷമാണ് തുടങ്ങുക. ഇപ്പോൾ ആയുർവ്വേദ ചികിത്സക്കിടയിൽ ഉള്ള ലാലേട്ടന്റെ പുതിയ ചിത്രങ്ങൾ പുറത്ത് വന്നിരിക്കുകയാണ്.
കൊച്ചി, തൊടുപുഴ എന്നീ സ്ഥലങ്ങളിൽ ആയിട്ടാണ് ചിത്രീകരണം ഏർപ്പെടുത്തിയിരിക്കുന്നത്. കൊച്ചിയിൽ 14 ദിവസത്തെ ഷൂട്ടിങ് ശേഷമായിരിക്കും തൊടുപുഴയിലേക്ക് സംഘം എത്തുക. ചിത്രം നിർമ്മിക്കുന്നത് ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ്. ദൃശ്യത്തിന്റെ ഒന്നാം ഭാഗത്തിൽ അഭിനയിച്ച മീന ഉൾപ്പെടെ നിരവധി താരങ്ങൾ ദൃശ്യം 2 വിൽ അണിനിരക്കുന്നുണ്ട്.
