ലാല്‍ജോസിന്റെ കരീയറിലെ മികച്ചത് ഏതെന്ന് ചോദിച്ചാല്‍ ക്ലാസ്‌മേറ്റ് എന്ന ഉത്തരമായിരിക്കും ആരാധകരില്‍ അധികവും നല്‍കുക. പൃഥ്വിരാജ് , കാവ്യാമാധവന്‍ , രാധിക , ഇന്ദ്രജിത്ത് നരേന്‍ തുടങ്ങി നിരവധി താരങ്ങള്‍ അണി നിരന്ന ക്ലാസ്‌മേറ്റ് ബോക്‌സ് ഓഫീസില്‍ സൂപ്പര്‍ ഹിറ്റ് ആയിരുന്നു. നായികാ പ്രാധാന്യമുള്ള ഒന്നായിരുന്നു ചിത്രം. കാവ്യയും രാധികയും ആണ് ചിത്രത്തില്‍ പ്രധാന വേഷത്തില്‍ എത്തിയത്. ചിത്രത്തിന്റെ ഷൂട്ടിംഗ് സമയത്ത് ഒരു രസകരമായ അനുഭവമാണ് സംവിധായകന്‍ ലാല്‍ജോസ് ഇപ്പോള്‍ അഭിമുഖത്തില്‍ പങ്കുവയ്ക്കുന്നത്.
ചിത്രത്തിന്റെ ഷൂട്ടിംഗ് നടന്നത് സിഎംഎസ് കോളേജിലായിരുന്നു. ചിത്രത്തിന്റെ കഥ മുഴുവന്‍ കട്ട കാവ്യ ഷൂട്ടിംഗ് സമയമായപ്പോള്‍ രാധികയുടെ കഥാപാത്രം ചെയ്യണമെന്നും ആവശ്യപ്പെടുകയുണ്ടായി. അറിയപ്പെടുന്ന ഒരു താരം ഒരു നെഗറ്റീവ് ഷേഡുള്ള കഥാപാത്രം ചെയ്താല്‍ പ്രേക്ഷകര്‍ അത് എത്രത്തോളെ സ്വീകരിക്കുമെന്ന് അറിയില്ലായിരുന്നു. ഒടുവില്‍ കാവ്യയെ പറഞ്ഞ് മനസിലാക്കിച്ച ശേഷമാണ് ചിത്രത്തില്‍ അഭിനയിച്ചതെന്നും ലാല്‍ജോസ് പറഞ്ഞു.
ചിത്രം പുറത്തിറങ്ങി പ്രേക്ഷകര്‍ ഇരുകൈയും നീട്ടി സ്വീകരിച്ചെങ്കിലും 75ാം ദിവസമാണ് കാവ്യ ചിത്രം കാണാനിടയായത്. ക്ലാസ്‌മേറ്റ് എന്ന ചിത്രത്തിലൂടെ രാധികയ്ക്ക് നിരവധി അവസരങ്ങള്‍ വന്നിരുന്നു. റസിയ എന്ന കഥാപാത്രത്തെയായിരുന്നു രാധിക ക്ലാസ്‌മേറ്റ് അവതരിപ്പിച്ച. താര കഥാപാത്രത്തെ കാവ്യയും അവതരിപ്പിച്ചു.
