മലയാളികൾക്ക് പ്രിയങ്കരിയായ നടിയാണ് ലെന, വിവാഹ മോചനം നേടിയിട്ടും താരം സിനിമയിൽ വളരെ സജീവമാണ്. അഭിനയം മാത്രമല്ല യാത്രകളെ സ്നേഹിക്കുന്ന വ്യക്തി കൂടിയാണ് ലെന, മോഡലിങ്ങിൽ താരം വളരെ സജീവമാണ്, തല മൊട്ടയടിച്ച്‌ താരം നടത്തിയ യാത്രകള്‍ നേരത്തെ വാര്‍ത്തകളില്‍ ഇടം നേടിയിരുന്നു. തന്റെ വ്‌ളോഗും സിനിമകളുമായി സജീവമായ താരത്തിന് ഏറെ പ്രിയപ്പെട്ട ഒരു കാര്യമാണ് ടാറ്റൂവിങ്. മുതിര്‍ന്ന നടന്മാരുടെ അമ്മ വേഷം ചെയ്യാനോ നെഗറ്റീവ് റോളുകള്‍ ചെയ്യാനോ മടിയില്ലാത്ത ആളാണ് ലെന.
ഇപ്പോഴിതാ പുത്തന്‍ ടാറ്റൂവുമായി എത്തിയിരിക്കുകയാണ് താരം. കയ്യിന്റെ പകുതി സ്ലീവ് നിറഞ്ഞു നില്‍ക്കുന്നതാണ് ലെനയുടെ പുത്തന്‍ ടാറ്റൂ. ടാറ്റൂവിന്റെ വീഡിയോ ലെന തന്നെയാണ് സമൂഹമാധ്യമങ്ങളിലൂടെ പങ്കുവച്ചത്. എട്ടുമണിക്കൂറാണ് ടാറ്റൂ ചെയ്യാൻ വേണ്ടി താരം എടുത്തത്. ടാറ്റൂ പ്രേമിയായ ലെന ഇതിനുമുന്‍പും കയ്യില്‍ രണ്ട് ടാറ്റൂ ചെയ്തിട്ടുണ്ട്. ഇതോടെ കയ്യിന്റെ ഹാഫ് സ്ലീവ് മുഴുവന്‍ ടാറ്റൂ കൊണ്ട് നിറഞ്ഞിരിക്കുകയാണ്. വലിയ റോസാപ്പൂവിന് അടുത്തായി ചിത്രശലഭം നില്‍ക്കുന്ന രീതിയിലാണ് ടാറ്റൂ. ഒപ്യുലെന്റ് ഇങ്കിലെ ടോണി ഇവാന്‍സാണ് ലെനയുടെ ടാറ്റൂ ചെയ്തത്.
https://www.facebook.com/watch/lenasmagazine/
