ജോൺപോൾ ജോർജിന്റെ സംവിധാനത്തിൽ ഒരുങ്ങിയ ചിത്രമായിരുന്നു അമ്പിളി. സൗബിൻ ഷാഹിർ വ്യത്യസ്തമാർന്ന ഒരു കഥാപാത്രത്തെ അവതരിപ്പിച്ച ഈ ചിത്രത്തിലെ എന്റെ നെഞ്ചാകെ നീയല്ലേ എന്റെ ഉന്മാദം നീയല്ലേ എന്ന ഗാനം ഏറ്റുപാടാത്തവരില്ല. ചിത്രത്തിലെ ഈ ഗാനത്തിന്റെ വരികൾ രചിച്ചത് വിനായക് ആണ്. കുട്ടീം കോലും എന്ന ചിത്രത്തിലായിരുന്നു അദ്ദേഹത്തിന്റെ ആദ്യഗാനം. നീലാകാശം പച്ചക്കടൽ ചുവന്ന ഭൂമി, സപ്തമ ശ്രീ തസ്കര, ഗപ്പി, പറവ, മറഡോണ, വരത്തൻ, കുമ്പളങ്ങി നൈറ്റ്സ്, ജൂൺ, അമ്പിളി തുടങ്ങിയവയിലെ വിനായകിന്റെ ഗാനങ്ങൾ ഏറെ ശ്രദ്ധേയമായിരുന്നു.
ഇപ്പോൾ എറണാകുളം ടി ഡി എം ഹാളിൽ ചലച്ചിത്ര മേഖലയിലെ പ്രമുഖരെ സാക്ഷിയാക്കി വിനായക് അഞ്ജലിയുടെ കഴുത്തിൽ താലിചാർത്തിയിരിക്കുകയാണ്. ഫെഡറൽ ബാങ്ക് അസി ജനറൽ മാനേജരായ തിരുവനന്തപുരം കരമന ശ്രീകൃപയിൽ ശശികുമാറിന്റെയും സ്റ്റേറ്റ് ബാങ്ക് ഉദ്യോഗസ്ഥയായിരുന്ന ആശയുടെയും മകനായ വിനായക് ശശികുമാർ തിരുവാങ്കുളം പുഷ്പകത്തിൽ ജയന്റെയും പ്രേമയുടെയും മകളായ അഞ്ജലിയെ ഏഴു വർഷത്തെ നീണ്ട പ്രണയത്തിന് ശേഷമാണ് വിവാഹം ചെയ്തത്.
