മോഹൻലാൽ നായകനായി എത്തിയ ഇട്ടിമാണി മെയ്ഡ് ഇൻ ചൈന കഴിഞ്ഞ ദിവസം തിയറ്ററുകളിൽ റിലീസ് ചെയ്യുകയുണ്ടായി.ആദ്യ ഷോ മുതൽ തിയറ്ററുകളിൽ ഗംഭീര റിപ്പോർട്ടുകളാണ് ചിത്രത്തിന് ലഭിക്കുന്നത്.ഏറെകാലത്തിന് ശേഷം മോഹൻലാൽ കോമഡി പരിവേഷമുള്ള കഥാപാത്രമായി എത്തുമ്പോൾ കുടുംബ പ്രേക്ഷകർക്ക് ആഘോഷിക്കാനുള്ള വകയെല്ലാം ചിത്രത്തിൽ സംവിധായകർ ഒരുക്കിയിട്ടുണ്ട്.ചിത്രത്തിന് അഭിനന്ദനവുമായി സംവിധായകൻ എം.എ നിഷാദ് ഇപ്പോൾ രംഗത്തെത്തിയിരിക്കുകയാണ്.
ഫേസ്ബുക്ക് പോസ്റ്റ് ചുവടെ:
ഈ ഓണത്തിന് ബംമ്പറടിച്ചത് ഇട്ടിമാണിക്ക്…
പൂർണ്ണമായും ഒരു മോഹൻലാൽ സിനിമ…
പലപ്പോഴും പാളി പോകാവുന്ന ഇടങ്ങളിലൊക്കെ മോഹൻ ലാൽ എന്ന നടന്റ്റ് സാന്നിധ്യം കുറച്ചൊന്നുമല്ല ഈ സിനിമയേ രക്ഷിച്ചത്…അത് കൊണ്ട് തന്നെയാണ് ഇത് നൂറ് ശതമാനം ലാൽ ചിത്രമാകുന്നത്……അദ്ദേഹത്തിന്റ്റെ ടൈമിംഗും ,പരിചയസമ്പത്തും,അവതരണവും അത് തന്നെയാണ് ഹൈലൈറ്റ്…
പരസ്യ വാചകത്തിൽ പറയുന്ന മാസ്സിനേക്കാളും ഇഷ്ടമായത് മനസ്സാണ്..
അവസാനത്തെ പതിനഞ്ച് മിനിറ്റ് പടം പ്രേക്ഷകരെ പിടിച്ചിരുത്തും….ഒരു വലിയ സന്ദേശം പൊതു സമൂഹത്തിന് നൽകാനും,ചിന്തിപ്പിക്കാനും പുതുമുഖ സംവിധായകർക്ക് കഴിഞ്ഞു എന്നതിൽ അവർക്കഭിമാനിക്കാം…
പലപ്പോഴും തൃശ്ശൂർ സ്ലാംഗ് കൈവിട്ട് പോകുന്നത് ഒരു കല്ല് കടിയാണെന്കിലും,അതൊന്നും പടത്തിന്റ്റെ കളക്ഷനെ ബാധിക്കില്ല…
ഒരുപാട് നാളുകൾക്ക് ശേഷം KPAC ലളിത ചേച്ചിയുടെ നല്ല പ്രകടണം കാണാൻ സാധിച്ചു..രാധികയും,സിദ്ദീക്കും നന്നായി..കൈലാസ് അഭിനയത്തിൽ ഒരുപാട് മുന്നേറി…
കുടുംബ പ്രേക്ഷകർക്ക് വേണ്ടിയാണ് ഈ സിനിമ..ഫാൻസുകാർക്കെത്രമാത്രം തൃപ്തിയുണ്ടാകുമെന്നറിയില്ല…
ഒന്നുറപ്പാണ്…ഒാണം ബംബർ അടിച്ചിരിക്കുന്നത് ഇട്ടിമാണിക്ക് തന്നെ…
