മമ്മൂട്ടി നായകനായ ഏറ്റവും പുതിയ ചിത്രം ഉണ്ട മികച്ച അഭിപ്രായങ്ങൾ നേടിക്കൊണ്ട് തിയേറ്ററുകളിൽ മുന്നേറുകയാണ്.ചിത്രത്തിന് നല്ല രീതിയിൽ നിരൂപക പ്രശംസ ലഭിക്കുന്നുണ്ട്. ചിത്രത്തിലെ മമ്മൂട്ടി കഥാപാത്രം സമീപകാലത്തെ മമ്മൂട്ടിയുടെ ഏറ്റവും മികച്ച കഥാപാത്രങ്ങളിൽ ഒന്ന് തന്നെയാണ്.
ഖാലിദ് റഹ്മാൻ എന്ന യുവ സംവിധായകനാണ് ചിത്രം സംവിധാനം ചെയ്തത്.ചിത്രത്തിനെ പ്രശംസിച്ച് നിരവധി താരങ്ങൾ രംഗത്തെത്തിയിട്ടുണ്ട്.
നടിയും സാമൂഹികപ്രവർത്തകയുമായ മാലാ പാർവതിയും ചിത്രത്തെ അഭിനന്ദിച്ചു രംഗത്തെത്തിയിരുന്നു. അർത്ഥമുള്ള സിനിമയാണ് ഉണ്ടയെന്നും ചിത്രത്തിന് അഞ്ചിൽ അഞ്ച് റേറ്റിംഗ് കൊടുക്കുന്നു എന്നും പാർവതി ഫേസ്ബുക്ക് പോസ്റ്റ് കുറിക്കുകയുണ്ടായി. ഇതിനു താഴെ അശ്ലീല ചുവ ഉള്ള ഒരു കമന്റുമായി എത്തിയ ഒരു വിരുദ്ധൻ ചുട്ടമറുപടി കൊടുത്തിരിക്കുകയാണ് മാലാ പാർവതി. മമ്മൂട്ടിയുടെ ഉണ്ട ഇഷ്ടമായോ എന്ന ചോദ്യമാണ് കമൻറ് ആയി രാജു പാലതായി എന്ന വ്യക്തി കമന്റ് ചെയ്തത്.‘കുറെ നാളായി താങ്കള് ഇങ്ങനെ തന്നെയാണല്ലോ? ബ്ലോക്ക് ചെയ്യാതിരിക്കാന് കഴിയില്ല. എന്റെ പോസ്റ്റ് കണ്ടതാണല്ലോ..അത് വ്യക്തവും ആണ്. ഈ ചോദ്യത്തിലെ അശ്ലീല ധ്വനി സ്വയം മനസ്സിലായില്ലെങ്കിലും മറ്റുള്ളവര്ക്ക് വ്യക്തമാണ്’ എന്നായിരുന്നു പാര്വതിയുടെ മറുപടി.
കമൻറ് സ്ക്രീൻഷോട്ട് ഉൾപ്പെടെ എടുത്ത് പാർവതി മറ്റൊരു ഫേസ്ബുക്ക് പോസ്റ്റ് കുറിക്കുകയും ചെയ്തു.കമന്റ് വൈറൽ ആയതോടെ രാജു കമൻറ് ഡിലീറ്റ് ചെയ്യുകയും മാപ്പപേക്ഷയുമായി മറ്റൊരു കമൻറ് കുറിക്കുകയും ചെയ്തു.ഇതിനിടെ മമ്മൂട്ടി നായകനായ ചിത്രം നിറഞ്ഞ സദസിൽ പ്രദർശനം തുടരുകയാണ് ഓരോ ദിവസം കഴിയുമ്പോഴും ചിത്രത്തെ തേടി കൂടുതൽ പ്രേക്ഷകരാണ് തിയറ്ററുകളിലേക്ക് എത്തുന്നത്.