മോഹൻലാലിനെ നായകനാക്കി ശ്രീകുമാർ മേനോൻ പ്രഖ്യാപിച്ചിരുന്ന മഹാഭാരതം സിനിമക്കായി സിംഗപ്പൂരിലും ഹൈദരാബാദിലും ബിസിനസുകളുള്ള മലയാളി എസ് കെ നാരായണന്‍ പണം മുടക്കുന്നു. 1000 കോടി മുടക്കി ചിത്രീകരിക്കുമെന്ന് പറഞ്ഞിരുന്ന ചിത്രം ഇപ്പോൾ 1200 കോടി മുതൽമുടക്കിലാണ് ഒരുങ്ങുന്നത്. ഫേസ്ബുക്ക് വഴി ജോമോന്‍ പുത്തന്‍പുരയ്ക്കലാണ് ഇത് സംബന്ധിച്ച വാര്‍ത്ത പുറത്ത് വിട്ടത്. നിര്‍മ്മാതാവ് ഡോ. എസ് കെ നാരായണനും ശ്രീകുമാര്‍ മേനോനും കരാറില്‍ ഒപ്പുവെയ്ക്കുന്നതായി കാണിച്ചുള്ള ചിത്രവും ജോമോന്‍ ഫെയ്സ്ബുക്കിലൂടെ പുറത്തുവിട്ടിട്ടുണ്ട്. ബി ആര്‍ ഷെട്ടിയായിരുന്നു ചിത്രത്തിന്റെ ആദ്യത്തെ നിര്‍മ്മാതാവ്. തിരക്കഥയുമായി ബന്ധപ്പെട്ട് എംടിയും ശ്രീകുമാര്‍ മേനോനും തമ്മില്‍ പ്രശ്നം ഉടലെടുത്തതിന് പിന്നാലെയാണ് ബി ആര്‍ ഷെട്ടി ചിത്രത്തില്‍ നിന്ന് പിന്മാറിയത്. ഈ ചിത്രത്തിന് എംടിയുടെ രണ്ടാമൂഴവുമായി ബന്ധമുണ്ടോയെന്ന് വ്യക്തമല്ല. രണ്ടാമൂഴത്തിന്റെ തിരക്കഥ തിരികെ വേണമെന്നാവശ്യപ്പെട്ട് എംടി കോടതിയെ സമീപിച്ചത് വിവാദമായിരുന്നു.
