പ്രേക്ഷകർ നെഞ്ചോടു ചേർത്ത താര കുടുംബമാണ് പൃഥ്വിരാജിന്റെയും ഇന്ദ്രജിത്തിന്റേയും. ഇളയ മകൾ നക്ഷത്രയെ ചുണ്ടോടു ചേർത്തുമ്മ വയ്ക്കുന്ന പൂർണ്ണിമ ഇന്ദ്രജിത്തിന്റെ ചിത്രവും അതിന് മല്ലികാ സുകുമാരൻ നൽകിയ കമന്റും ഇപ്പോൾ സോഷ്യൽ മീഡിയയിൽ വൈറൽ ആവുകയാണ്. മകൾക്കൊപ്പം ഉള്ള ചിത്രം പങ്കുവെച്ച പൂർണിമ അതിനോടൊപ്പം ഒരു കുറിപ്പും ആരാധകർക്കായി പങ്കുവയ്ക്കുന്നുണ്ട്. ‘അടുപ്പം സ്വാതന്ത്ര്യത്തെ തടസ്സപ്പെടുത്തുന്നില്ല, അത് വളർത്തുന്നു! നിങ്ങളുടെ കുഞ്ഞുങ്ങളെ ചേർത്തു പിടിക്കുക, അവരെ ചുംബിക്കുക, കെട്ടിപ്പിടിക്കുക; എന്തുതന്നെ ആയാലും നിങ്ങൾ അവരെ എത്രമാത്രം സ്നേഹിക്കുന്നുവെന്ന് അവരോട് പറയുക.’– എന്നാണ് പൂർണിമ കുറിച്ചിരിക്കുന്നത്. ഇതിന് കമന്റ് ആയി “സത്യം….. അമ്മക്കും രണ്ടു ബേബീസ് ഉണ്ട്…. മോള് പറഞ്ഞതുപോലെയൊക്കെ ഒന്നു ചെയ്യണമെന്നുണ്ട്….. കണ്ടാൽ ഈ വഴിയൊക്കെ ഒന്നു വരാൻ പറയണേ…..”എന്നാണ് മല്ലികാ സുകുമാരൻ പറഞ്ഞിരിക്കുന്നത്.
മല്ലികാ സുകുമാരൻ കമന്റ് ഇട്ടതോടെ ആരാധകരും ആവേശത്തിലായി. അമ്മയുടെ ഈ വാക്ക് കേട്ടാൽ മക്കൾ എവിടെയാണെങ്കിലും പറന്നെത്തും എന്നാണ് ആരാധകർ പറയുന്നത്. തിരക്ക് കൊണ്ടായിരിക്കും അമ്മയെ മക്കൾ മറന്നത് എന്നും ചിലർ പറയുന്നുണ്ട്. “അല്ലെങ്കിലും കൂടാറുണ്ട്…. എന്റെ മൂത്ത മോളെ ഒന്നു ചൊടിപ്പിക്കാൻ പറഞ്ഞതല്ലേ…..” എന്ന് മല്ലിക മറ്റൊരു കമന്റിൽ കുറിച്ചു.
