ആരാധകരുടെ പ്രിയപ്പെട്ട താര കുടുംബങ്ങളില്‍ ഒന്നാണ് നടന്‍ സുകുമാരന്റെത്. ഒരു കുടുംബത്തില്‍ ഉള്ള എല്ലാവരും സിനിമയില്‍ ഉള്‍പ്പെട്ടിരിക്കുന്നതും പ്രശസ്തിയിലാകുന്നതും അപൂര്‍വ്വമായ കാര്യമാണ്. അതുപോലൊരു കുടുംബമാണ് സുകുമാരന്റെത്. അച്ഛനെ പോലെ തന്നെ ഒരുപാട് പേര്‍ ഇഷ്ടപ്പെടുന്ന താരമായി മാറുകയാണ് എല്ലാവരും.
നന്ദനം എന്ന ചിത്രത്തിലൂടെയാണ് പൃഥ്വിരാജ് മലയാള സിനിമയിലേക്ക് അരങ്ങേറ്റം കുറിക്കുന്നത്. ഊമപ്പെണ്ണിന് ഉരിയാട പയ്യന്‍ എന്ന ചിത്രത്തിലെ വില്ലന്‍ കഥാപാത്രം തെരഞ്ഞെടുത്ത് ഇന്ദ്രജിത്തും അരങ്ങേറ്റം കുറിച്ചു. ഇരുവരുടെയും സ്വഭാവങ്ങള്‍ തമ്മില്‍ വലിയ അന്തരമുണ്ട് എന്നാണ് അമ്മ മല്ലിക ഇപ്പോള്‍ വെളിപ്പെടുത്തുന്നത്. രണ്ടുപേരും ചെയ്യുന്ന കഥാപാത്രങ്ങള്‍ തന്നെ ശ്രദ്ധിച്ചാല്‍ മതി എന്നും മല്ലിക പറയുന്നു.
ഇന്ദ്രജിത്തിന് തന്റെ സ്വഭാവം ആണെന്നും മറ്റുള്ളവര്‍ എന്തെങ്കിലും അസംബന്ധം പറയുകയാണെങ്കില്‍ തന്നെ അത് അവനോട് നേരിട്ട് പറയാതെ ശരിയാണോ തെറ്റാണോ എന്ന് തീരുമാനിക്കില്ലെന്നും മല്ലിക പറയുന്നു. പക്ഷെ പൃഥ്വി അങ്ങനെയല്ല പെട്ടെന്ന് ഒരു കാര്യത്തെ വിശ്വസിക്കില്ലെന്നും അങ്ങനെയല്ല വെട്ടൊന്ന് മുറി രണ്ട് എന്ന സ്വഭാവക്കാരനാണ്, മുഖത്തുനോക്കി പ്രശംസിക്കുന്നത് മനസ്സിലാവുകയും ചെയ്യും എന്ന് മല്ലിക പറയുന്നു.പക്ഷേ ആ നയം സിനിമയില്‍ വലിയ ഗുണം ചെയ്യാറില്ല. കുറെ അടുത്ത് കഴിയുമ്പോള്‍ പലരും തോളില്‍ കയറിയിരിക്കുന്ന അവസ്ഥയാകും ചിലരുടെ പക്കല്‍ നിന്നും ലഭിക്കുന്നത്. സ്വന്തം തീരുമാനങ്ങള്‍ക്ക് ആരെയും ബുദ്ധിമുട്ടിക്കുന്നത് ഇഷ്ടമല്ല എന്ന് പൃഥ്വി പറയുമെന്നും മല്ലിക കൂട്ടിചേര്‍ത്തു.
