ഏഷ്യാനെറ്റ് ഫിലിം അവാർഡ് 2020 ചടങ്ങുകൾ ഇന്നലെ നടക്കുകയുണ്ടായി. മലയാളത്തിലെ ഏറ്റവും താരപകിട്ടുള്ള അവാർഡ് ദാന ചടങ്ങെന്ന നിലയിൽ വലിയ പ്രതീക്ഷയോടെയാണ് ഏഷ്യാനെറ്റ് ഫിലിം അവാർഡിനെ ഏവരും നോക്കി കാണുന്നത്. മലയാള സിനിമയിലെയും തെന്നിന്ത്യൻ സിനിമയിലെയും പ്രമുഖ താരങ്ങളെല്ലാം അവാർഡ് നിശയിൽ പങ്കെടുത്തിരുന്നു.
കഴിഞ്ഞ വർഷത്തെ ഏറ്റവും മികച്ച ചിത്രമായി തിരഞ്ഞെടുക്കപ്പെട്ടിരിക്കുന്നത് മമ്മൂട്ടി നായകനായി എത്തിയ മാമാങ്കമാണ്. പല മുൻനിര ചിത്രങ്ങളെയും പിന്നിലാക്കിയായിരുന്നു മാമാങ്കത്തിന്റെ ഈ നേട്ടം.മമ്മൂട്ടിയുടെ കരിയറിലെ ഏറ്റവും വലിയ ചിത്രമെന്ന വിശേഷണത്തോടെ പുറത്തെത്തിയ ചിത്രമാണ് മാമാങ്കം. ചിത്രം മികച്ച പ്രതികരണങ്ങൾ നേടി 100 കോടി ക്ലബിലും ഇടം പിടിച്ചിരുന്നു. മമ്മൂട്ടിയുടെ ആവേശം കൊള്ളിക്കുന്ന സംഘട്ടന രംഗങ്ങളും ത്രില്ലിംഗ് ആയ മുഹൂർത്തങ്ങളും നിറഞ്ഞ ഈ ചിത്രം വൈകാരിക മുഹൂർത്തങ്ങൾ, ഗാനങ്ങൾ, യുദ്ധ രംഗങ്ങൾ എന്നിവ കൊണ്ടും സമ്പന്നമാണ്. മമ്മൂട്ടി തന്റെ അഭിനയ മികവ് കാഴ്ചവച്ച ഈ ചിത്രം സംവിധാനം ചെയ്തത് എം പദ്മകുമാറും നിർമ്മിച്ചത് കാവ്യാ ഫിലിമ്സിന്റെ ബാനറിൽ വേണു കുന്നപ്പിള്ളിയും ആണ്
