മലയാളത്തിലും തെന്നിന്ത്യയിലും ആയി ഒരു പിടി മികച്ച ഗാനങ്ങള്‍ സമ്മാനിച്ച ഗായകനും ഗാനഗന്ധര്‍വ്വന്‍ യേശുദാസിന്റെ മകനുമായ വിജയ് യേശുദാസിന്റെ വെളിപ്പെടുത്തലുകൾ കഴിഞ്ഞ ദിവസം നിരവധി ചർച്ചകൾക്ക് വഴി തെളിച്ചിരുന്നു. മലയാളത്തിൽ ഇനി പാടില്ലായെന്നാണ് വിജയ് വ്യക്തമാക്കിയത്. പിന്നാലെ താൻ പറഞ്ഞതിനെ വളച്ചൊടിച്ചതാണെന്നും വിജയ് ആരോപിച്ചു. ഇപ്പോഴിതാ തന്റെ പ്രിയതാരങ്ങളെ കുറിച്ച് വ്യക്തമാക്കിയിരിക്കുകയാണ് വിജയ്.
കുട്ടിക്കാലം മുതൽ തന്നെ താൻ ലാലേട്ടന്റെ കടുത്ത ആരാധകൻ ആണെന്നാണ് വിജയ് യേശുദാസ് പറയുന്നത്. തന്റെ വീട്ടിൽ താൻ ലാലേട്ടൻ ഫാനും തന്റെ ചേട്ടൻ മമ്മൂക്ക ഫാനും ആയിരുന്നു എന്നാണ് വിജയ് യേശുദാസ് പറയുന്നത്. അതുപോലെ തമിഴിൽ നോക്കിയാൽ താൻ രജനികാന്ത് ഫാനും തന്റെ അനുജൻ കമൽ ഹാസൻ ഫാനും ആണെന്നും വിജയ് യേശുദാസ് പറഞ്ഞു. നടനായി മാറിയ ശേഷം ആരാധന തോന്നിയ മറ്റൊരു നടൻ മമ്മുക്കയാണെന്നാണ് വിജയ് യേശുദാസ് പറയുന്നത്. അതിനു കാരണവും അദ്ദേഹം വെളിപ്പെടുത്തുന്നുണ്ട്.
ഡ്രസിങ് ഉൾപ്പെടെ ഉള്ള കാര്യങ്ങളിൽ അദ്ദേഹം പുലർത്തുന്ന ശ്രദ്ധയാണ് അദ്ദേഹത്തെ ഏറെ ഫോളോ ചെയ്യാനുള്ള കാരണമെന്നു വിജയ് യേശുദാസ് പറഞ്ഞു. ചില കഥാപാത്രങ്ങൾ മമ്മുക്ക മാത്രം ചെയ്താലേ ശെരിയാവു എന്നും അതുപോലെ ചിലത് ലാലേട്ടന് മാത്രമേ ചെയ്യാൻ സാധിക്കു എന്നും പറഞ്ഞ വിജയ് യേശുദാസ് പുതിയ തലമുറയിൽ ഇഷ്ട്ടപെടുന്ന രണ്ടു താരങ്ങൾ ഫഹദ് ഫാസിലും പാർവതിയും ആണെന്നാണ് വെളിപ്പെടുത്തിയത്. കഥാപാത്രങ്ങളായി മാറാനുള്ള അവരുടെ കഴിവാണ് തനിക്കു ഭയങ്കരമായി ഇഷ്ട്ടപെട്ടത്‌ എന്നും വിജയ് യേശുദാസ് പറഞ്ഞു.
