സമകാലീന രാഷ്ട്രീയ – സാമൂഹിക സാഹചര്യങ്ങളെ ചുറ്റിപറ്റി ഒരുക്കിയ പൊളിറ്റിക്കൽ സറ്റയർ ചിത്രമായ ‘രണ്ട്’ ട്രയിലർ പുറത്തുവിട്ട് മെഗാസ്റ്റാർ മമ്മൂട്ടി. ചിത്രം ഡിസംബർ പത്തിന് തിയറ്ററുകളിൽ എത്തും. ഹെവൻലി മൂവിസിന്റെ ബാനറിൽ പ്രജീവ് സത്യവ്രതൻ നിർമിച്ച സിനിമ സുജിത് ലാൽ ആണ് സംവിധാനം ചെയ്തിരിക്കുന്നത്.
ചിത്രത്തിന്റെ കഥ, തിരക്കഥ, സംഭാഷണം എന്നിവ നിർവ്വഹിച്ചിരിക്കുന്നത് ബിനുലാൽ ഉണ്ണിയാണ്. അനീഷ് ലാൽ ആണ് ഛായാഗ്രഹണം. വിഷ്ണു ഉണ്ണികൃഷ്ണൻ നായകനാകുന്ന ചിത്രത്തിൽ നായികാ വേഷത്തിലെത്തുന്നത് അന്ന രാജനാണ്. ടിനി ടോം, ഇർഷാദ്, കലാഭവൻ റഹ്മാൻ, സുധി കോപ്പ, ബാലാജി ശർമ്മ, ഗോകുലൻ, ജയശങ്കർ, കോബ്ര രാജേഷ്, ശ്രീലക്ഷ്മി, മാല പാർവതി, മറീന മൈക്കിൾ, പ്രീതി എന്നിവരാണ് മറ്റ് അഭിനേതാക്കൾ.
റഫീഖ് അഹമ്മദിന്റെ വരികൾക്ക് ബിജിബാലാണ് സംഗീതം നൽകിയിരിക്കുന്നത്. ലൈൻ പ്രൊഡ്യൂസർ അഭിലാഷ് – വർക്കല, ഗാനരചന – റഫീഖ് അഹമ്മദ്, സംഗീതം – ബിജിപാൽ, പ്രൊഡക്ഷൻ കൺട്രോളർ – ജയശീലൻ സദാനന്ദൻ, ചമയം – പട്ടണം റഷീദ്, പട്ടണം ഷാ, കല – അരുൺ വെഞ്ഞാറമൂട്, വസ്ത്രാലങ്കാരം – അരുൺ മനോഹർ, ത്രിൽസ് – മാഫിയ ശശി, ചീഫ് അസ്സോസിയേറ്റ് ഡയറക്ടർ – ചാക്കോ കാഞ്ഞൂപ്പറമ്പൻ.
