തിരക്കഥാകൃത്ത് ശങ്കർ രാമകൃഷ്ണൻ ആദ്യമായി സംവിധായകൻ ആകുന്ന ചിത്രമാണ് പതിനെട്ടാം പടി.കേരളത്തിലെ 14 ജില്ലകളിൽ നിന്നുമുള്ള പുതുമുഖ താരങ്ങൾ ആണ് ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നത്.
ചിത്രത്തിൽ മമ്മൂട്ടി ഒരു കഥാപാത്രമായി പ്രത്യക്ഷപെടുന്നുണ്ട്.ജോൺ എബ്രഹാം പാലക്കൽ എന്ന കഥാപാത്രമായാണ് മമ്മൂട്ടി സിനിമയിൽ വരുന്നത്. മമ്മൂക്കയോടൊപ്പം പൃഥ്വിരാജ് സുകുമാരൻ, ഉണ്ണി മുകുന്ദൻ ,ആര്യ തുടങ്ങിയവരും ചിത്രത്തിൽ അഭിനയിക്കുന്നുണ്ട് . ശങ്കർ രാമകൃഷ്ണൻ തന്നെയാണ് ചിത്രത്തിന്റെ തിരക്കഥ രചിക്കുന്നത്.ഓഗസ്റ്റ് സിനിമാസ് ആണ് ചിത്രം നിർമ്മിക്കുന്നത്.
ചിത്രത്തിൽ അമേരിക്കയിലെ സ്റ്റാൻഫോർഡ് യൂണിവേഴ്സിറ്റിയിലെ പ്രൊഫസറായ ജോൺ എബ്രഹാം പാലയ്ക്കൽ എന്ന കഥാപാത്രമായാണ് മമ്മൂട്ടി എത്തുന്നത്. ചിത്രത്തിലെ മമ്മൂട്ടിയുടെ ലുക്കും കോസ്‌ട്യൂമും എല്ലാം വളരെ സമയമെടുത്ത് തീരുമാനിച്ചതായിരുന്നു. ചിത്രത്തിൽ റിലീസിന് മുമ്പേതന്നെ ഏറെ തരംഗമായി മാറിയത് മമ്മൂട്ടിയുടെ സ്റ്റില്ലുകൾ ആയിരുന്നു .ഈ രംഗങ്ങൾ ഇന്റീരിയറിൽ ഷൂട്ട് ചെയ്യാനായിരുന്നു ആദ്യം തീരുമാനിച്ചത് .പിന്നീടാണ് അതിരപ്പള്ളിയുടെ മനോഹാരിതയിലേക്ക് ലൊക്കേഷൻ മാറ്റിയതെന്നും സംവിധായകൻ ശങ്കർ രാമകൃഷ്ണൻ പറയുന്നു. ജൂലൈ അഞ്ചിനാണ് ചിത്രം തിയേറ്ററുകളിലെത്തുന്നത്.
