വാഹനങ്ങളോടും ഗാഡ്ജറ്റുകളോടും മലയാളത്തിന്റെ മെഗാസ്റ്റാര്‍ മമ്മൂട്ടിയ്ക്ക് പ്രത്യേക ഒരിഷ്ടമാണ്. ആഡംബര വാഹനങ്ങളുടെ ഒരു വലിയ കളക്ഷന്‍ തന്നെ മമ്മൂട്ടിയ്ക്കുണ്ട്. സോഷ്യല്‍മീഡിയയിലൂടെ ഈ ലോക്ഡൗണ്‍ കാലത്ത് അദ്ദേഹം പങ്കുവച്ച ചിത്രങ്ങളില്‍ ഉള്‍പ്പെട്ടിരുന്നു ക്യാമറയുടേയും ഫോണിന്റെയുമെല്ലാം വിവരങ്ങള്‍ പ്രേക്ഷകര്‍ ഗൂഗിളില്‍ തപ്പിയെടുത്തിരുന്നു.
ഇപ്പോഴിതാ ഐഫോണിന്റെ ഏറ്റവും പുതിയ മോഡല്‍ ആപ്പിള്‍ ഐഫോണ്‍ 12 പ്രോ മാക്‌സ് സ്വന്തമാക്കിയിരിക്കുകയാണ് മമ്മൂട്ടി. വിപണിയില്‍ 1,29,900 രൂപ മുതലാണ് ഐഫോണ്‍ 12 പ്രോമാക്‌സ് ഫോണുകളുടെ വില. ആരാധകരെ മയക്കുന്ന ഗ്രാഫൈറ്റ്, സില്‍വര്‍, ഗോള്‍ഡ്, പസഫിക് ബ്ലൂ നിറങ്ങങ്ങളില്‍ ഐഫോണ്‍ 12 പ്രോമാക്‌സ് ഇപ്പോള്‍ ലഭ്യമാണ്. സംസ്ഥാനത്ത് ആദ്യമായി ഐഫോണ്‍ 12 പ്രോ മാക്‌സ് സ്വന്തമാക്കുന്ന ആള്‍ കൂടിയാണ് ആരാധകരുടെ പ്രിയപ്പെട്ട നടന്‍.
ആപ്പിള്‍ ഐഫോണ്‍ 12 മോഡലുകള്‍ ഇന്ത്യയില്‍ ലഭ്യമായി തുടങ്ങിയത് കഴിഞ്ഞ ദിവസമാണ്. ഐഫോണ്‍ 12 സീരിസില്‍ നാലു സീരിസുകള്‍ പുതുതായി ലോഞ്ച് ചെയ്തത് ഒക്ടോബര്‍ 13നാണ്. ടെലിഫോട്ടോ ക്യാമറയുള്ള മികച്ച ക്യാമറയും മറ്റൊരു ആകര്‍ണമാണ്. 65 എംഎം ഫോക്കല്‍ ലെങ്ത്താണ് ക്യാമറയ്ക്കുള്ളത്. ഫോട്ടോഗ്രാഫിയോട് പ്രത്യേക ഇഷ്മുള്ള മമ്മൂട്ടിയുടെ അപ്‌ഡേറ്റ് ചിത്രങ്ങള്‍ക്ക് വേണ്ടി ആരാധകര്‍ ഇപ്പോള്‍ കാത്തിരിപ്പിലാണ്.
