കൊച്ചുമകള്‍ മറിയത്തിന് പിറന്നാള്‍ ആശംസകള്‍ നേര്‍ന്ന് മമ്മൂട്ടി. ഇന്‍സ്റ്റഗ്രാം പേജിലൂടെയാണ് പേരക്കുട്ടിക്ക് താരം പിറന്നാള്‍ ആശംസകള്‍ നേര്‍ന്നത്. ‘എന്റെ രാജകുമാരിക്ക് ഇന്ന് നാലാം പിറന്നാള്‍’, എന്നാണ് മമ്മൂട്ടി കുറിച്ചത്.
താരങ്ങളടക്കം നിരവധി പേരാണ് രാവിലെ മുതല്‍ മറിയത്തിന് ആശംസകളുമായി എത്തിയത്. ‘ഹാപ്പി.. ഹാപ്പി ബര്‍ത്ത്‌ഡേ ഞങ്ങളുടെ മാലാഖ കുഞ്ഞിന്. മുമ്മൂ.. നിനക്ക് നാല് വയസ്സായി എന്ന് നച്ചു മാമിക്ക് വിശ്വസിക്കാന്‍ പറ്റുന്നില്ല. ഇത്രയും പെട്ടെന്ന് വളരല്ലേ.. ഏറ്റവും കൂള്‍ ആയിട്ടുള്ള കുഞ്ഞ് നീയാണ്. എന്റെ ഹൃദയത്തിലെ എല്ലാ സ്‌നേഹവും നിന്നാല്‍ നല്‍കുന്നു’, എന്നാണ് നസ്രിയ ഇന്‍സ്റ്റാഗ്രാമില്‍ കുറിച്ചത്.
ദുല്‍ഖര്‍ സല്‍മാനും ഭാര്യയ്ക്കും 2017 മെയ് 5നാണ് മറിയം ജനിച്ചത്. മറിയത്തിനൊപ്പമുള്ള ദുല്‍ഖറിന്റെയും മമ്മൂട്ടിയുടേയും ചിത്രങ്ങള്‍ ആരാധകര്‍ക്കിടയില്‍ എപ്പോഴും വൈറലാണ്.
