മമ്മൂട്ടിയുടെ മാസ് ചിത്രങ്ങളിലൊന്നാണ് ജനഹൃദയങ്ങള്‍ ഏറ്റെടുത്ത’ബിഗ്ബി’. അമല്‍ നീരദ് സംവിധാനം ചെയ്ത ചിത്രത്തിന്റെ രണ്ടാം ഭാഗത്തിനായുള്ള കാത്തിരിപ്പിലാണ് ആരാധകര്‍ എല്ലാവരും. ചിത്രത്തിന്റെ പ്രഖ്യാപനം വന്നത് മുതല്‍ ആരാധകരെല്ലാവരും ബിലാലിന് വേണ്ടി കാത്തിരിക്കുകയാണ് , സോഷ്യല്‍മീഡിയയില്‍ എങ്ങും ചിത്രത്തിന്റെ ഫാന്‍ മെയ്ഡ് പോസ്റ്ററുകളും പുറത്തിറങ്ങിയിരുന്നു.
ചിത്രത്തിന്റെ പ്രധാനപ്പെട്ട കഥാപാത്രമായിരുന്നു അബു ജോണ്‍ കുരിശിങ്കല്‍. ചിത്രത്തില്‍ അബുവായി ദുല്‍ഖര്‍ സല്‍മാന്‍ ആണോ ഫഹദ് ഫാസിലാണോ എന്ന സംശയവും സോഷ്യല്‍മീഡിയയില്‍ ചര്‍ച്ചയായിരുന്നു. എന്നാല്‍ മലയാളത്തിലെ താരങ്ങള്‍ ആയിരിക്കില്ലെന്നും തമിഴില്‍ നിന്ന് കാര്‍ത്തികോ, ആര്യയോ ആവാമെന്നും ചിലര്‍ സംശയം പ്രകടിപ്പിച്ചിരുന്നു.
ഇപ്പോഴിതാ ചിത്രത്തിലുള്ള അബു ആരെന്നുളള സസ്പന്‍സ് തങ്ങള്‍ക്ക് പോലും അറിയില്ലെന്നും പക്ഷെ ഒരു സ്റ്റാര്‍ തന്നെയാണ് ആ വേഷം കൈകാര്യം ചെയ്യുന്നതെന്നും പക്ഷെ അത് ആരായിരിക്കും എന്നുളളത് വലിയ സസ്പന്‍സാണ് എന്നും നടി അറിയിച്ചു. ചിത്രത്തിന്റെ ഷൂട്ടിങ്ങിലേക്ക് കടക്കുമ്പോഴാണ് ആ റോളില്‍ എത്തുന്നത് ആരെന്നറിയുക എന്നും മമ്ത പറയുന്നു.
