നീണ്ട പതിനഞ്ചു വര്‍ഷങ്ങള്‍ക്കു ശേഷം ബൈക്കോടിച്ച് നടി മംമ്ത. ഹാര്‍ലി ഡേവിസണ്‍ ബൈക്കിലാണ് മമതയുടെ ഈ റൈഡ് എന്നതാണ് ഇതിനെ സ്‌പെഷ്യലാക്കുന്ന മറ്റൊരു കാര്യം. പതിനഞ്ചു വര്‍ഷത്തിന് ശേഷമാണു താന്‍ ബൈക്ക് റൈഡിങ് നടത്തുന്നത് എന്നും ഇപ്പോഴും ബൈക്ക് ഓടിക്കാന്‍ മറന്നിട്ടില്ല എന്നത് അത്ഭുതകരമായ കാര്യമാണെന്നും മമത കുറിക്കുന്നു.
മമത മോഹന്‍ദാസ് തന്നെയാണ് ബൈക്കോടിക്കുന്ന വീഡിയോ തന്റെ ഇന്‍സ്റ്റഗ്രാം അക്കൗണ്ടിലൂടെ പങ്കു വെച്ചത്. സിനിമാ താരമായതിനു ശേഷം നഷ്ടപെട്ട ഒന്നാണ് പബ്ലിക് ആയി ബൈക്കില്‍ കറങ്ങുക എന്നതെന്നും മമത പറഞ്ഞു. തന്റെ ബാംഗ്ലൂര്‍ ദിനങ്ങള്‍ ആണ് ഇപ്പോള്‍ മനസ്സില്‍ നിറയുന്നതെന്നും ഈ നടി വീഡിയോ പങ്കു വെച്ച് കൊണ്ട് കുറിച്ചു.
ഹാര്‍ലി ഡേവിഡ്‌സണ്‍ സ്‌പോട്സ്റ്റര്‍ 48 എന്ന ബൈക്കാണ് മമ്ത ഓടിക്കുന്നത്. 1202 സിസി എന്‍ജിന്‍ ഉപയോഗിക്കുന്ന ബൈക്കിന് 96 എന്‍എം ടോര്‍ക്കുണ്ട്. ഏകദേശം പത്തുലക്ഷം രൂപയാണ് ബൈക്കിന്റെ എക്‌സ്‌ഷോറൂം വില.
ഹരിഹരന്‍ ഒരുക്കിയ മയൂഖം എന്ന ചിത്രത്തിലൂടെ മലയാളത്തില്‍ അരങ്ങേറ്റം കുറിച്ച മമത മോഹന്‍ദാസ് അഭിനയിച്ചു അവസാനം റിലീസ് ചെയ്തത് ഫോറന്‍സിക് ആണ്. ഒട്ടേറെ ചിത്രങ്ങളാണ് മമത അഭിനയിച്ചു ഇനി പുറത്തു വരാനുള്ളത്. കുറെയേറെ വമ്പന്‍ ചിത്രങ്ങളുടെ ഭാഗമായും മമത എത്താനൊരുങ്ങുകയാണ്. ലാല്‍ ബാഗ്, രാമ സേതു, ബിലാല്‍, മ്യാവു , ഭ്രമം, ജൂതന്‍, അപ്പോസ്തലന്‍, അണ്‍ലോക്ക് എന്നിവയാണ് മമതയുടെ ഇനി വരാനുള്ള മലയാളം ചിത്രങ്ങള്‍. ഇത് കൂടാതെ ഊമെയ് മിഴികള്‍, എനിമി എന്നീ തമിഴ് ചിത്രങ്ങളിലും മമത അഭിനയിക്കുന്നുണ്ട്.
View this post on Instagram
