മഴവില്‍ മനോരമയിലെ വെറുതെ അല്ല ഭാര്യ എന്ന റിയാലിറ്റി ഷോയിലൂടെ പ്രേക്ഷകരുടെ മനംകവര്‍ന്ന താരമാണ് മഞ്ജു സുനിച്ചന്‍. ഹാസ്യ പരമ്പരയായ മറിമായത്തിലൂടെ അഭിനയ രംഗത്തേക്കും വന്നു. ഒരു പക്ഷെ എല്ലാത്തിന്റെയും തുടക്കം തന്നെയായിരുന്നു മറിമായം എന്ന പരമ്പര. പിന്നീട് സിനിമയില്‍ നിന്നും അനവധി അവസരങ്ങളായിരുന്നു തേടിയെത്തിയത്. ഏകദേശം മുപ്പതോളം സിനിമകളുടെ ഭാഗമാകുവാന്‍ നടിയ്ക്ക് സാധിച്ചിട്ടുണ്ട്.
ബിഗ്‌ബോസ് രണ്ടാം ഭാഗത്തിലും താരം ഉണ്ടായിരുന്നു. തുടര്‍ന്ന് വിമര്‍ശനങ്ങളുണ്ടായിരുന്നെങ്കിലും അതിനെയൊക്കെ ധൈര്യമായി നേരിട്ട് താരം മുന്നോട്ട് വന്നു. ഇപ്പോഴിതാ സമൂഹ മാധ്യമങ്ങളില്‍ മഞ്ജുവിന്റെ നൃത്തം വൈറലായിരിക്കുകയാണ്. കള്ളക്കണ്ണന്‍ ഇഷ്ടം എന്ന അടിക്കുറിപ്പിലൂടെയാണ് താരം നൃത്തം ചെയ്യുന്ന വീഡിയോ ഇന്‍സ്റ്റാഗ്രാമില്‍ പോസ്റ്റു ചെയ്തത്. ഏതായാലും വീഡിയോ ആരാധകര്‍ ഏറ്റെടുത്തു. സാരിയുടുത്ത് മനോഹരിയായാണ് താരം വീഡിയോയില്‍ പ്രത്യക്ഷപ്പെട്ടിരിക്കുന്നത്.
