മമ്മൂട്ടി ആരാധകരും സിനിമാ പ്രേമികളും ഒരുപോലെ കാത്തിരിക്കുന്ന ചിത്രമാണ് ബിഗ്ബിയുടെ രണ്ടാംഭാഗമായ ബിലാൽ. അമൽ നീരദാണ് മമ്മൂട്ടി ബിലാലായി എത്തുന്നുവെന്ന വാർത്ത സ്ഥിരീകരിച്ചത്. അപ്പോൾ മുതൽ ആരാധകർ ഏറെ ആവേശത്തിലാണ്.
മാർച്ചിൽ ചിത്രത്തിന്റെ ഷൂട്ടിംഗ് തുടങ്ങേടതായിരുന്നു. ഇതിനിടയിൽ ആണ് അപ്രതീക്ഷിതമായി ലോക്ക് ഡൗണ് എത്തിയത്. ഇതിൽ മനസ്സ് തുറക്കുകയാണ് മനോജ് കെ ജയൻ ഇപ്പോൾ.
മനോജ് കെ ജയന്റെ പോസ്റ്റ് :
march 26 നു “Bilal” Shoot തുടങ്ങാൻ ഇരുന്നതായിരുന്നു. അപ്പോഴാണ് കൊറോണ വിഷയവും അപ്രതീക്ഷിത lock down ഉം.Big B ആരാധകർ നിരാശരായി ….😔😔😔പൂർവ്വാധികം ശക്തിയായി ബിലാലും, പിള്ളേരും വരും കേട്ടോ തീർച്ച😍😍😍👍👍👍👍cheers🥰🥰🥰👍👍👍👍😊😊😊
ബിലാലിന്റെ പോസ്റ്റർ പുറത്തിറങ്ങിയപ്പോളും വലിയ സ്വീകാര്യതയാണ് ലഭിച്ചത്. ബിലാലിന് സംഗീതമൊരുക്കുന്നത് ഗോപി സുന്ദറാണ്. മമ്മൂട്ടി ആരാധകര്‍ വലിയ പ്രതീക്ഷയോടെ കാത്തിരിക്കുന്ന ബിലാലിന്റെ സംഗീതം എറ്റവും മികച്ചതാക്കാനുളള ശ്രമത്തിലാണ് താനെന്ന് ഗോപി സുന്ദര്‍ വെളിപ്പെടുത്തിയിരുന്നു.
ബിലാലിന്റെ തിരക്കഥയൊരുക്കുന്നത് ബിഗ്ബിയുടെ സംഭാഷണം എഴുതിയ ഉണ്ണി ആറും വരത്തന്‍, വൈറസ് എന്നീ ചിത്രങ്ങളുടെ തിരക്കഥ നിര്‍വഹിച്ച ഷറഫുവും സുഹാസും ചേര്‍ന്നാണ്. എടുത്തു വളർത്തപ്പെട്ട നാലു സഹോദരന്മാരുടെ കഥ പറയുന്ന ബിഗ് ബി എന്ന ചിത്രത്തിലെ മമ്മൂട്ടി കഥാപാത്രത്തിന്റെ പേരായിരുന്നു ബിലാൽ. ഈ പേര് തന്നെയാണ് രണ്ടാംഭാഗത്തിന് കൊടുത്തിരിക്കുന്നത്.
