ദിലീപിന്റെ മകള്‍ മീനാക്ഷി ഒരു നല്ല നര്‍ത്തകിയാണ് എന്ന് ആരാധകര്‍ ഇതിനു മുന്‍പും കണ്ടിട്ടുണ്ട്. നാദിര്‍ഷായുടെ മകളും മീനാക്ഷിയുടെ അടുത്ത കൂട്ടുകാരിയുമായ ആയിഷയുടെ വിവാഹ ചടങ്ങുകളുടെ ഭാഗമായി നൃത്തച്ചുവടുകളുമായി വേദി കീഴടക്കിയത് മീനാക്ഷിയും നമിതയും ചേര്‍ന്നായിരുന്നു. ഇപ്പോഴിതാ തന്റെ നൃത്തത്താല്‍ വീണ്ടും സോഷ്യല്‍ ലോകത്തെ ഇളക്കി മറിക്കുകയാണ് മീനാക്ഷി. ഇന്‍സ്റ്റഗ്രാമിലാണ് മീനാക്ഷി തന്റെ ഡാന്‍സ് വീഡിയോ പങ്കുവച്ചത്. ഹിന്ദി പാട്ടിനാണ് മീനാക്ഷി നൃത്തച്ചുവടുകള്‍ വച്ചത്.
ദീപിക പദുകോണ്‍ വേഷമിട്ട പദ്മാവത് എന്ന സിനിമയിലെ ‘നൈനോവാലെ നെ’ ഗാനമാണ് മീനാക്ഷി തിരഞ്ഞെടുത്തിരിക്കുന്നത്. സിനിമയില്‍ വന്യത നിറഞ്ഞ് നില്‍ക്കുന്ന ഗാനരംഗത്തിന് നൃത്തഭാഷ്യം ഒരുക്കാന്‍ മീനാക്ഷിയെക്കൊണ്ട് സാധിച്ചിട്ടുണ്ട്. വെളിച്ചം പതിക്കാതെ നിഴല്‍ പോലെ ആളെക്കാണാവുന്ന വീഡിയോയില്‍ മീനാക്ഷിയുടെ നൃത്ത ചുവടുകളാണ് ഹൈലൈറ്റ്. പ്രിയ സുഹൃത്തായ നമിതയും മീനാക്ഷിയെ അഭിനന്ദിച്ചിട്ടുണ്ട്. ചടുലമായ, ഒഴുക്കുള്ള സ്റ്റെപ്പുകളാണ് മീനാക്ഷി അവതരിപ്പിച്ചിരിക്കുന്നത്.
ഇന്‍സ്റ്റഗ്രാമില്‍ മീനാക്ഷി സജീവമാണ്. ഇടയ്ക്കിടെ ചിത്രങ്ങളും മറ്റുമായി താരപുത്രി എത്താറുണ്ട്. കുട്ടിക്കാലം മുതലുള്ള കൂട്ടുകാരായ ആയിഷയും അനുജത്തി ഖദീജയും മീനാക്ഷിയുടെ ഫോളോവേഴ്‌സ് പട്ടികലയിലുണ്ട്. ചെന്നൈയില്‍ എംബിബിഎസിന് പഠിക്കുന്ന മീനാക്ഷി ഡോക്ടര്‍ ആകാനുളള ഒരുക്കത്തിലാണ്.
View this post on Instagram
