മലയാളികളുടെ പ്രിയപ്പെട്ട താര ജോഡികളായിരുന്നു ദിലീപും മഞ്ജു വാര്യരും. 2014 ലായിരുന്നു ദിലീപും മഞ്ജു വാര്യരും വേര്‍പിരിഞ്ഞത്. മകളായ മീനാക്ഷി ദിലീപിനൊപ്പമാണ്. ദിലീപ് പിന്നീട് കാവ്യാ മാധവനെ വിവാഹം കഴിച്ചു. സിനിമയിലഭിനയിച്ചിട്ടില്ലെങ്കിലും സോഷ്യല്‍ മീഡിയയില്‍ സജീവമാണ് മീനാക്ഷി. തന്റെ ചിത്രങ്ങളും ഡാന്‍സ് വീഡിയോയുമൊക്കെ മീനാക്ഷി സോഷ്യല്‍ മീഡിയയില്‍ പങ്കുവെക്കാറുണ്ട്.
നാദിര്‍ഷയുടെ മകള്‍ ആയിഷയുടെ വിവാഹ ചടങ്ങുകളില്‍ പങ്കെടുത്തതിന്റെ വീഡിയോയും ചിത്രങ്ങളും മീനാക്ഷി പങ്കു വെച്ചിരുന്നു. സുഹൃത്തുക്കള്‍ക്കൊപ്പം വിവാഹ വേദിയില്‍ മീനാക്ഷിയുടെ ഡാന്‍സ് വന്‍ ഹിറ്റാവുകയും ചെയ്തു. ഇന്‍സ്റ്റാഗ്രാമില്‍ മീനാക്ഷിയെ ഫോളോ ചെയ്യുന്നത് 138k പേരെയാണ്. എന്നാല്‍ 42 പേരെയെ മീനാക്ഷി ഫോളോ ചെയ്യുന്നുള്ളു. അതില്‍ തന്നെ മലയാളത്തില്‍ നിന്നുള്ള താരങ്ങളും കുറവാണ്. ദുല്‍ഖര്‍ സല്‍മാനാണ് മീനാക്ഷിയുടെ ലിസ്റ്റിലുള്ള യുവനടന്‍. ഡിക്യൂവിന്റെ ആരാധികയാണോ മീനാക്ഷി എന്ന കാര്യം വ്യക്തമല്ലെങ്കിലും ഫോളോ ലിസ്റ്റില്‍ ദുല്‍ഖറുമുണ്ട്.
നടി നമിത പ്രമോദും മീനാക്ഷിയും അടുത്ത സുഹൃത്തുക്കളാണ്. ഇരുവരും ഒന്നിച്ചുള്ള ചിത്രങ്ങളും വീഡിയോകളുമൊക്കെ സോഷ്യല്‍ മീഡിയയില്‍ വൈറലാകാറുണ്ട്. സംവിധായകന്‍ ലാല്‍ ജോസിന്റെ മകള്‍, ദീപിക പദുക്കോണ്‍, ആലിയ ഭട്ട്, പ്രയാഗ മാര്‍ട്ടിന്‍, സനുഷ, അപര്‍ണ ബാലമുരളി, മീര നന്ദന്‍, ശ്രിന്ദ, നമിത, മാളവിക ജയറാം എന്നിവരാണ് മീനാക്ഷി ഫോളോ ചെയ്യുന്ന മറ്റു താരങ്ങള്‍.
