മകൾ മഹാലക്ഷ്മിയുടെ പിറന്നാൾ ആഘോഷിച്ച് നടൻ ദിലീപും കുടുംബവും. അനിയത്തിക്കുട്ടിയുടെ പിറന്നാൾ ആഘോഷത്തിന്റെ ചിത്രം മീനാക്ഷി ദിലീപും സോഷ്യൽ മീഡിയയിൽ പങ്കുവെച്ചിട്ടുണ്ട്. പിറന്നാൾ കേക്കിനു മുന്നിൽ കുഞ്ഞു മഹാലക്ഷ്മിയെ എടുത്തുകൊണ്ട് നിൽക്കുന്നതിന്റെ ചിത്രമാണ് മീനാക്ഷി പങ്കുവെച്ചിരിക്കുന്നത്. മഹാലക്ഷ്മിയുടെ പിറന്നാൾ ആഘോഷത്തിൽ നിന്ന് മീനാക്ഷി പങ്കുവെച്ച ചിത്രം ഇതിനോടകം വൈറലാണ്.
ഇക്കഴിഞ്ഞ വിജയദശമി ദിനത്തിൽ ആയിരുന്നു മഹാലക്ഷ്മിയെ എഴുത്തിന് ഇരുത്തിയത്. ആവണംകോട് സരസ്വതി ക്ഷേത്രനടയിൽ ആയിരുന്നു മഹാലക്ഷ്മിയെ എഴുത്തിനിരുത്തിയത്. ദിലീപ് ഇതിന്റെ ചിത്രങ്ങൾ സോഷ്യൽ മീഡിയയിൽ പങ്കുവെച്ചിരുന്നു. മീനാക്ഷിയും മഹാലക്ഷ്മിയുടെ എഴുത്തിനുത്തൽ ചടങ്ങിൽ സജീവ സാന്നിധ്യമായിരുന്നു. ‘ഇന്ന് ഞങ്ങളുടെ മഹാലക്ഷ്മി ആദ്യാക്ഷരം കുറിച്ചു. ശ്രീശങ്കരന്റെ ദിവ്യസാന്നിദ്ധ്യം നിറഞ്ഞ ആവണംകോട് സരസ്വതി ക്ഷേത്രനടയിൽ. ആദ്യാക്ഷരം അമ്മയാണ്‌, എല്ലാത്തിന്റേയും പ്രഭവം. മഹാലക്ഷ്മിയെ സരസ്വതി ദേവി അനുഗ്രഹിക്കട്ടെ…എല്ലാവരുടെയും അനുഗ്രഹവും പ്രാർത്ഥനയും ഉണ്ടാകണം’ – മകളെ എഴുത്തിനിരുത്തിയ ചിത്രങ്ങൾ പങ്കുവെച്ചുകൊണ്ട് ദിലീപ് കുറിച്ചത് ഇങ്ങനെ.
എഴുത്തിനിരുത്ത് കഴിഞ്ഞപ്പോൾ മഹാലക്ഷ്മി ആകെ മടുത്തിരുന്നു. ചേച്ചിയുടെ മീനാക്ഷിയുടെ തോളിൽ ചാരി കിടക്കുന്ന മഹാലക്ഷ്മിയുടെ ചിത്രവും സോഷ്യൽ മീഡിയയിൽ വൈറലായിരുന്നു. കുടുംബസമേതമുള്ള ദിലീപിന്റെ ചിത്രങ്ങൾ സോഷ്യൽ മീഡിയയിൽ നേരത്തെയും വൈറലായിട്ടുണ്ട്. കഴിഞ്ഞയിടെ കാവ്യയുടെ പിറന്നാൾ ദിനത്തിൽ മീനാക്ഷി ആശംസകൾ നേർന്ന് പങ്കുവെച്ച ചിത്രം വൈറലായിരുന്നു.
View this post on Instagram
