കന്നഡ നടൻ ചിരഞ്ജീവി സർജയുടെ മരണം ഏൽപ്പിച്ച ആഘാതത്തിൽ നിന്ന് സിനിമാലോകവും മേഘ്നരാജും മുക്തമായിട്ടില്ല. പെട്ടെന്നാണ് അദ്ദേഹം ഈ ലോകത്തോട് വിടപറഞ്ഞു യാത്രയായത്. ഭർത്താവിന്റെ മരണത്തിനു മുൻപിൽ പൊട്ടിക്കരഞ്ഞ് നിൽക്കുന്ന മേഘനരാജ് എല്ലാവരുടെയും മനസ്സുകളിൽ നൊമ്പരപ്പെടുത്തുന്ന ഒരു കാഴ്ചയായിരുന്നു. ഒരു കുഞ്ഞ് ജനിക്കാൻ ഇരിക്കെയാണ് ഈ മരണം സംഭവിച്ചത്. ഇതിനിടെ നടന്ന ഒരു ചടങ്ങിന്റെ ചിത്രമാണ് ഇപ്പോൾ മേഘ്ന പങ്കുവച്ചിരിക്കുന്നത്. ചീരുവിന്റെ വലിയ ഒരു കട്ടൗട്ട് ചിത്രത്തിൽ കാണുവാൻ സാധിക്കും.
വളരെ വൈകാരികമായ ഒരു കുറിപ്പും ചിത്രത്തിന് താഴെ മേഘ്ന പങ്കുവെച്ചിട്ടുണ്ട്. “എനിക്ക് വളരെ സവിശേഷമായ രണ്ടു പേർ. ഇങ്ങനെയാണ് ഇപ്പോൾ ചിരു വേണ്ടിയിരുന്നത്, ആ രീതിയിൽ തന്നെ ഇത് ഉണ്ടാവുകയും ചെയ്യും… എന്നെന്നേക്കും എല്ലായ്‌പ്പോഴും,” മേഘ്ന കുറിച്ചു. ചിരഞ്ജീവി മരിച്ചെങ്കിലും അദ്ദേഹത്തിന്റെ സാന്നിധ്യം ദൃശ്യമാക്കിക്കൊണ്ടാണ് ചടങ്ങിന്റെ ചിത്രങ്ങൾ പകർത്തിയിരിക്കുന്നത്. ഏവർക്കും നൊമ്പരം ഉളവാക്കുന്ന ഒരു ചിത്രമാണ് ഇത്.
