നിവിന്‍ പോളിയെ നായകനാക്കി ഹനീഫ് അദേനി സംവിധാനം ചെയ്യുന്ന ചിത്രം ‘മിഖായേലി’ന്റെ ഷൂട്ടിംഗ് ഇന്ന് കൊച്ചിയില്‍ ആരംഭിച്ചു.’മിഖായേല്‍’ എന്ന ‘ഗാര്‍ഡിയന്‍ ഏയ്ഞ്ചല്‍’എന്ന ടാഗ് ലൈനോട് കൂടിയാണ് ചിത്രം എത്തുന്നത്
നിവിന്‍ പോളിക്കൊപ്പം ഉണ്ണി മുകുന്ദനും ചിത്രത്തില്‍ ഒരു മുഖ്യ കഥാപാത്രത്തെ അവതരിപ്പിക്കുന്നു.
കാക്കനാട് ആണ് ചിത്രത്തിന്റെ പൂജ നടന്നത്. കലാഭവന്‍ ഷാജോണ്‍, ജെ.ഡി ചക്രവര്‍ത്തി എന്നിവരും ചിത്രത്തില്‍ പ്രധാനവേഷത്തില്‍ എത്തുന്നു. ഹനീഫ് തന്നെയാണ് ചിത്രത്തിന്റെ തിരക്കഥയും നിര്‍വഹിക്കുന്നത്. ഇതിനു മുന്നേ അബ്രഹാമിന്റെ സന്തതികള്‍ എന്ന ചിത്ത്രത്തിനും ഹനീഫ് തിരക്കഥയൊരുക്കിയിരുന്നു.
വന്‍ ബജറ്റില്‍ ഒരുങ്ങുന്ന ചിത്രത്തിന്റെ ആദ്യ ഷെഡ്യൂള്‍ കൊച്ചിയിലാണ്. 10 ദിവസത്തെ ഷൂട്ടിംഗാണ് ഇവിടെയുള്ളത്. പിന്നീട് കോഴിക്കോടും ഷൂട്ടിംഗുണ്ട്. വലിയൊരു ഭാഗം ചിത്രീകരണം ആഫ്രിക്കയിലായിരിക്കും.
നേരത്തെ ഓഗസ്റ്റ് 18 ന് ചിത്രീകരണം ആരംഭിക്കാന്‍ പദ്ധതിയിട്ടിരുന്നെങ്കിലും പ്രളയം മൂലം മാറ്റിവയ്ക്കുകയായിരുന്നു. ഫാമിലി ക്രൈം ഡ്രാമ ഗണത്തില്‍ വരുന്ന ചിത്രത്തില്‍ മാസ് ഘടകങ്ങളും ഉള്‍പ്പെടുത്തും
