രൺജി പണിക്കർ, ധീരജ് ഡെന്നി, മാർഗരറ്റ് ആന്റണി എന്നിവർ കേന്ദ്ര കഥാപാത്രങ്ങളായി എത്തുന്ന മൈക്കിൾസ് കോഫി ഹൗസ് റിലീസ് ആകുന്നു. ഡിസംബർ 17 മുതൽ ചിത്രം പ്രേക്ഷകരിലേക്ക് എത്തും. നേരത്തെ സിനിമയിലെ ഒരു ഗാനം പുറത്തു വന്നിരുന്നു. മരക്കാറിന് ശേഷം റോണി റാഫേലിന്റെ സംഗീതവുമായാണ് ‘ഇന്ന് ഈ പിറന്നാൾ’ എന്ന് ആരംഭിക്കുന്ന ഗാനം ആയിരുന്നു നേരത്തെ പുറത്തിറങ്ങിയത്. ബി കെ ഹരിനാരായണന്റെ വരികൾക്ക് റോണി റാഫേൽ സംഗീതം നൽകിയപ്പോൾ വിധു പ്രതാപ്, വിഷ്ണു രാജ്, സുമി അരവിന്ദ് എന്നിവർ ചേർന്നായിരുന്നു ആ ഗാനം ആലപിച്ചത്. അനിൽ ഫിലിപ്പ് ആണ് ചിത്രത്തിന്റെ സംവിധാനം. പടത്തിന്റെ നിർമാണവും എഴുത്തും ജിസ്സോ ജോസ് ആണ്. ഛായാഗ്രഹണം – ശരത് ഷാജി. റൊമാന്റിക് ഫാമിലി ത്രില്ലര്‍ ഗണത്തില്‍ ഉൾപ്പെടുത്താവുന്ന സിനിമയാണ് ‘മൈക്കിള്‍സ് കോഫി ഹൗസ്’.
സിനിമ ഡിസംബർ 10നു പ്രേക്ഷകരിലേക്ക് എത്തും. ധീരജ് ഡെന്നി, മാര്‍ഗരറ്റ് ആന്റണി, രൺജി പണിക്കര്‍ എന്നിവരെ കൂടാതെ സ്ഫടികം ജോര്‍ജ്, റോണി ഡേവിഡ്, ജിന്‍സ് ഭാസ്കര്‍ തുടങ്ങിയവരാണ് പ്രധാന അഭിനേതാക്കൾ. വൈ, ഹിമാലയത്തിലെ കശ്മലന്‍, വാരിക്കുഴിയിലെ കൊലപാതകം, കല്‍ക്കി, എടക്കാട് ബറ്റാലിയന്‍, കര്‍ണന്‍ നെപ്പോളിയന്‍ ഭഗത് സിങ് തുടങ്ങിയ സിനിമകള്‍ക്ക് ശേഷം ധീരജ് ഡെന്നി നായകനായി അഭിനയിക്കുന്ന ചിത്രമാണിത്. മാര്‍ഗരറ്റ് ആന്റണി ജൂണ്‍, ഇഷ, തൃശ്ശൂര്‍പൂരം, കുഞ്ഞെൽദോ തുടങ്ങിയ സിനിമകളിൽ അഭിനയിച്ചിട്ടുണ്ട്.
മോഹന്‍ശര്‍മ, കോട്ടയം പ്രദീപ്, ഹരിശ്രീ മാര്‍ട്ടിന്‍, സിനോജ് വര്‍ഗീസ്, രാജേന്ദ്രന്‍, ജയിംസ്, നൗഷാദ്, ഫെബിന്‍ ഉമ്മച്ചന്‍, സീത, ലത സതീഷ്, ബേബി, സനൂജ സോമനാഥ്, അതുല്‍രാജ്, സാനിയ ബാബു, ബെന്‍സി മാത്യു തുടങ്ങിയവരാണ് ചിത്രത്തിലെ മറ്റ് താരങ്ങള്‍. എം ജി ശ്രീകുമാര്‍, വിധു പ്രതാപ്, ഹരിശങ്കര്‍, നിത്യ മാമൻ തുടങ്ങിയവരാണ് ചിത്രത്തിലെ ഗാനങ്ങള്‍ ആലപിക്കുന്നത്. എഡിറ്റര്‍ നിഖില്‍ വേണു, പ്രൊഡക്ഷന്‍ കണ്‍ട്രോളര്‍ ശ്യാം ലാല്‍. കോസ്റ്റും അക്ഷയ പ്രേംനാഥ്, മേക്കപ്പ് റോണക്സ് സേവിയര്‍, ആര്‍ട്ട് ദിലീപ് ആര്‍ നാഥ്, ആക്ഷന്‍ അഷ്റഫ് ഗുരുക്കള്‍, സ്റ്റില്‍സ് ഫിറോഷ് കെ ജയേഷ്, സൗണ്ട് ഡിസൈന്‍ ജെസ്‌വിൻ മാത്യു, സൗണ്ട് മിക്സിങ് ജിജുമോന്‍ റ്റി ബ്രൂസ്, മീഡിയ ഡിസൈന്‍ പ്രമേഷ് പ്രഭാകര്‍, പി.ആർ.ഒ: പി.ശിവപ്രസാദ്.
