മികച്ച പ്രേക്ഷക അഭിപ്രായം നേടി മുന്നേറുകയാണ് ജീത്തു ജോസഫ് സംവിധാനം ചെയ്ത ദൃശ്യം 2. ഒപ്പം ട്രോളുകളും സോഷ്യല്‍ മീഡിയയില്‍ സജീവമാണ്. സംവിധായകന്‍ മിഥുന്‍ മാന്വല്‍ തോമസും ജീത്തു ജോസഫിനെ അഭിനന്ദിച്ച് രംഗത്തെത്തിയിട്ടുണ്ട്. സിനിമയില്‍ അല്ലായിരുന്നുവെങ്കില്‍ ജീത്തു ജോസഫ് ഉണ്ടാക്കുമായിരുന്ന കുഴപ്പങ്ങള്‍ ചിന്തിക്കാന്‍ പറ്റില്ല എന്ന് ട്രോളിയിരിക്കുകയാണ് മിഥുന്‍ മാനുവല്‍ തോമസ്.
‘ഇയാള്‍ സംവിധായകന്‍ അല്ലായിരുന്നെങ്കില്‍ ലോകം അറിയുന്ന ഒരു വലിയ ക്രിമിനല്‍ ആയേനെ,’ ‘ജീത്തു ജോസഫ് ഇനി ക്രൈം ചെയ്താല്‍ കേരള പോലീസ് അത് കണ്ടു പിടിക്കാന്‍ കുറെ ബുദ്ധിമുട്ടും ഇത്രയും ട്വിസ്റ്റൊക്കെ എങ്ങനെയാണ് ചിന്തിക്കുന്നത്’. ഇപ്രകാരമാണ് ജീത്തുവിനെക്കുറിച്ചുള്ള ട്രോളര്‍മാരുടെ ഭാവനകള്‍.
സിനിമാക്കാരൻ ആയി തിരക്കായത് നന്നായി..! ബോറടിക്കുന്ന, ഇഷ്ടം പോലെ ഫ്രീ ടൈം കിട്ടുന്ന, വേറെ വല്ല ജോലിയുമാണ് കിട്ടിയിരുന്നതെങ്കിൽ.. സിവനേ..!! (സുരാജേട്ടൻ JPG ) 😂😂ജീത്തു ജോസഫ്.. ഇഷ്ടം ❤️❤️❤️❤️
Posted by Midhun Manuel Thomas on Friday, 19 February 2021
