മലയാളത്തിന്റെ പ്രിയപ്പെട്ട നടി മിയ വിവാഹിതയായത് അടുത്തിടെയായിരുന്നു. കോവിഡ് മാനദണ്ഡങ്ങള്‍ പാലിച്ചുകൊണ്ട് വരന്റെയും വധുവിന്റെയും അടുത്ത ബന്ധുക്കളുടെ സാന്നിധ്യത്തില്‍ എര്‍ണാകുളത്ത് വച്ചാണ് വിവാഹം നടത്തിയത്. സോഷ്യല്‍മീഡിയയിലൂടെ വിവാഹത്തിന്റെ ചിത്രങ്ങളും വീഡിയോകളും പുറത്ത് വന്നിരുന്നു. നിരവധി താരങ്ങളാണ് മിയയ്ക്ക് ആശംസകളുമായി രംഗത്ത് എത്തിയത്. എര്‍ണാകുളത്ത് ബിസിനസ്സ് ചെയ്യുന്ന ആഷ്‌വിന്‍ ആണ് മിയയെ വിവാഹം കഴിച്ചത്.
വിവാഹത്തോട് അനുബന്ധിച്ച് നടന്ന ബ്രൈഡല്‍ ഷവറിന്റെ വീഡിയോകളും ചിത്രങ്ങളും സോഷ്യല്‍ മീഡിയയിലൂടെ പുറത്തുവിട്ടിരുന്നു. കോവിഡ് കാലമായതിനാല്‍ അടുത്ത ബന്ധുക്കളും സുഹൃത്തുക്കളും മാത്രം അടങ്ങുന്ന ചടങ്ങിലായിരുന്നു മനസ്സമ്മതവും മറ്റു ചടങ്ങുകളും സംഘടിപ്പിച്ചിരുന്നത്. വിവാഹത്തിന് മുന്നോടിയായി മിയയുടെ മധുരം വെപ്പ് ചടങ്ങിന്റെ വീഡിയോ ഇപ്പോള്‍ സഹോദരി ജിനിയുടെ യുട്യൂബ് ചാനലിലൂടെ പുറത്തു വിട്ടിരിക്കുകയാണ്.
സഹോദരി ജിനിയുടെ യൂട്യൂബ് ചാനലിലൂടെ ഇതിനുമുമ്പും വിവാഹത്തോട് അനുബന്ധിച്ച് നടന്ന ചടങ്ങുകളുടെ വീഡിയോകളും പുറത്തുവിട്ടിരുന്നു. മധുരവയ്പ്പ് ചടങ്ങിലും അടുത്ത സുഹൃത്തുക്കളും ബന്ധുക്കളും മാത്രമായിരുന്നു പങ്കെടുത്തത്. വീഡിയോ ചുരുങ്ങിയ സമയം കൊണ്ടാണ് ശ്രദ്ധേയമായത്.ലേബല്‍എം ആണ് താരത്തിന്റെ വിവാഹ വസ്ത്രങ്ങളും മനസമ്മതത്തിന്റെ വസത്രങ്ങളും മധുരം വയ്പ്പിന്റെ വസത്രങ്ങളും ഡിസൈന്‍ ചെയ്ത്. താരത്തിന്റെ വിവാഹ വസ്ത്രത്തിന്റെ പ്രത്യേകതകളും സോഷ്യല്‍മീഡിയയിലൂടെ പുറത്ത് വിട്ടിരുന്നു.
