മലയാളികളുടെ സ്വന്തം മോഹന്‍ലാലിന്റെ ഉടമസ്ഥതയില്‍ ആശീര്‍വാദ് മോഹന്‍ലാല്‍ സിനിപ്ലെക്സ് അഥവാ എംലാല്‍ സിനിപ്ലെക്സ് എന്ന പേരില്‍ ആലപ്പുഴയിലെ ഹരിപ്പാട് പുതിയ തീയ്യേറ്റര്‍ ആരംഭിച്ചു.
തൊടുപുഴയിലെ ആശീര്‍വാദ് സിനിപ്ലെക്‌സിന് പിന്നാലെയാണ് ആലപ്പുഴയിലേക്കും മോഹന്‍ലാലും ആന്റണി പെരുമ്ബാവൂരും തീയേറ്ററുമായി എത്തുന്നത്.
41 വര്‍ഷമായി താന്‍ സിനിമാരംഗത്തുണ്ടെന്നും സിനിമയില്‍ നിന്നുള്ള വരുമാനം സിനിമയില്‍ തന്നെ ചിലവിടാനാണ് ആഗ്രഹിക്കുന്നതെന്നും തീയേറ്ററിന്‍റെ ഉദ്ഘാടന ചടങ്ങില്‍ സംസാരിക്കവേ മോഹന്‍ലാല്‍ പറഞ്ഞു.
ആലപ്പുഴ എം.പി കെ സി വേണുഗോപാല്‍, മോഹന്‍ലാല്‍, സുചിത്ര മോഹന്‍ലാല്‍, ആന്റണി പെരുമ്ബാവൂര്‍, മഞ്ജു വാര്യര്‍, സംവിധായകന്‍ കെ മധു, മുരളീകൃഷ്ണന്‍, സന്തോഷ് ശിവന്‍, സദാശിവന്‍, ഗോപിനാഥ് എന്നിവര്‍ ചേര്‍ന്നാണ് വിളക്ക് തെളിയിച്ച്‌ തിയേറ്ററിന്‍റെ ഉദ്ഘാടനം നിര്‍വഹിച്ചത്.
