കേരളത്തെ ഞെട്ടിച്ച ബാങ്ക് കവര്ച്ച സിനിമയാകുന്നു. പതിനഞ്ച് വര്ഷം മുന്പ് മലപ്പുറം ചേലേമ്പ്ര ബാങ്കില് നടന്ന കവര്ച്ചയെ ആസ്പദമാക്കിയാണ് ചിത്രം ഒരുങ്ങുന്നത്. പ്രതികളെ തേടി കേരള പൊലീസ് 56 ദിവസം നടത്തിയ സാഹസിക അന്വേഷണമാണ് ചിത്രത്തിന്റെ പ്രമേയം. അന്വേഷണത്തിന് നേതൃത്വം നല്കിയ ഐപിഎസ് ഉദ്യോഗസ്ഥന് പി വിജയനായി മോഹന്ലാലും കവര്ച്ച തലവന് ബാബുവായി ഫഹദ് ഫാസിലും എത്തുമെന്നാണ് റിപ്പോര്ട്ട്.
മലയാളത്തിന് പുറമേ തമിഴ് ഉള്പ്പെടെയുള്ള ദക്ഷിണേന്ത്യന് ഭാഷകളിലാകും ചിത്രം ഒരുങ്ങുക. ചിത്രവുമായി ബന്ധപ്പെട്ട ചര്ച്ചകള് ചെന്നൈയില് പുരോഗമിക്കുകയാണ്. അനിര്ബന് ഭട്ടാചാര്യ ചരിച്ച ‘ഇന്ത്യാസ് മണി ഹൈസ്റ്റ്: ദ് ചേലേമ്പ്ര ബാങ്ക് റോബറി’യെ ആസ്പദമാക്കിയാണ് ചിത്രം ഒരുങ്ങുന്നത്.
2007 പുതുവത്സര തലേന്നാണ് ചേലേമ്പ്ര ബാങ്കില് കവര്ച്ച നടന്നത്. 80 കിലോ സ്വര്ണവും 25 ലക്ഷം രൂപയുമാണ് നാലംഗ സംഘം കവര്ന്നത്. ആ സമയത്ത് 20 ലക്ഷത്തോളം ഫോണ് കോളുകള് പരിശോധിക്കാന് അന്വേഷണ സംഘം സ്വന്തമായി സോഫ്റ്റ്വെയര് വികസിപ്പിച്ചിരുന്നു.