നിർമ്മാതാവ് ആന്റണി പെരുമ്പാവൂരിന്റെ മകളുടെ വിവാഹത്തിൽ കുടുംബസമേതം എത്തി മോഹൻലാലും വിസ്മയയും. വരവേല്‍പ്പ് സംഘത്തിന്റെ അകമ്ബടിയോടു കൂടിയാണ് മോഹന്‍ലാലും സുചിത്രയും പ്രണവും വിസ്മയയും എത്തിയത്. ബ്ലാക്ക് ആൻഡ് റെഡ് തീമിൽ തീർത്ത വസ്ത്രങ്ങളാണ് മോഹൻലാലും കുടുംബവും ധരിച്ചിരുന്നത്. ഇതിന്റെ ചിത്രങ്ങളും വീഡിയോയും ഇപ്പോൾ സോഷ്യൽ മീഡിയയിൽ ഏറെ ശ്രദ്ധ നേടുകയാണ്. ആന്റണി പെരുമ്പാവൂരിന്റെയും ശാന്തിയുടേയും മകള്‍ ഡോ. അനിഷയുടെയും പെരുമ്പാവൂർ ചക്കിയത്ത് ഡോ. വിന്‍സന്റിന്റേയും സിന്ധുവിന്റേയും മകന്‍ ഡോ: എമില്‍ വിന്‍സന്റിന്റെയും വിവാഹ ചടങ്ങിനാണ് മോഹന്‍ലാലും കുടുംബവും എത്തിയത്.
മോഹന്‍ലാലും പ്രണവും ബ്ലാക്ക് തീമിലെ സ്യൂട്ട് അണിഞ്ഞപ്പോള്‍ സുചിത്രയും മകള്‍ വിസ്മയയും ചുവപ്പു നിറത്തിലെ ഗൗണ്‍ ആണ് ധരിച്ചത്. കറുപ്പ് സ്യൂട്ടും കോട്ടും അണിഞ്ഞ് പുരുഷന്മാരും ചുവപ്പ് നിറമുളള ഗൗണില്‍ സ്ത്രീകളും കൈകോര്‍ത്ത് പളളിയിലേക്ക് കയറി. ഏറ്റവും അവസാനം മോഹന്‍ലാലും ഭാര്യ സുചിത്രയും ഉണ്ടായിരുന്നു. തൊട്ടു മുമ്ബിലായി പ്രണവ് മോഹന്‍ലാലും സഹോദരി വിസ്‌മയ മോഹന്‍ലാലുമാണ് നടന്നത്.
ഏറെ കാലത്തിന് ശേഷമാണ് വിസ്‌മയ കുടുംബത്തോടൊപ്പം ഒരു പൊതുപരിപാടിയില്‍ പങ്കെടുക്കുന്നത്. വൈകുന്നേരം നടന്ന വിവാഹ റിസപ്‌ഷനില്‍ മോഹന്‍ലാലിനൊപ്പം ദിലീപ് അടക്കമുളള മറ്റ് പ്രമുഖ താരങ്ങളും പങ്കെടുത്തു. അനിഷയുടെ വിവാഹ നിശ്ചയത്തിന് മോഹന്‍ലാലും ഭാര്യ സുചിത്രയും മകന്‍ പ്രണവ് മോഹന്‍ലാലും പങ്കെടുത്തിരുന്നു. എന്നാല്‍ മനസമ്മതത്തില്‍ മോഹന്‍ലാല്‍ ഒറ്റയ്‌ക്കാണ് എത്തിയത്. പളളിയിലും തുടര്‍ന്ന് നടന്ന വിരുന്ന് സത്കാരത്തിലുമെല്ലാം മുന്‍പന്തിയില്‍ മോഹന്‍ലാല്‍ ഉണ്ടായിരുന്നു.
