സോഷ്യല്‍ മീഡിയയില്‍ വൈറലായി നടന്‍ മോഹന്‍ലാല്‍ പങ്കുവെച്ച പുതിയ ചിത്രം. ഫുള്‍ സ്ലീവ് ടീ ഷര്‍ട്ടും സണ്‍ ഗ്ലാസും ധരിച്ചാണ് മോഹന്‍ലാല്‍ ചിത്രത്തിലുള്ളത്. താടി അദ്ദേഹം ട്രിം ചെയ്തിട്ടുമുണ്ട്. സംവിധായകനും ഫോട്ടോഗ്രാഫറുമായ അനീഷ് ഉപാസനയാണ് ചിത്രം പകര്‍ത്തിയിരിക്കുന്നത്. നിരവധി പേരാണ് ചിത്രത്തിന് കമന്റ് ചെയ്തിരിക്കുന്നത്. ‘സാഗര്‍ ഏലിയാസ് ജാക്കി 2.0’ എന്നാണ് ഒരു ആരാധകന്‍ കമന്റ് ചെയ്തിരിക്കുന്നത്.
ഗോള്‍ഡന്‍ വിസ സ്വീകരിക്കാനായി ഗള്‍ഫില്‍ പോയ താരം, തിരികെയെത്തി ‘ബ്രോ ഡാഡി’യില്‍ ജോയിന്‍ ചെയ്തതായാണ് റിപ്പോര്‍ട്ടുകള്‍. ഗോള്‍ഡന്‍ വിസ സ്വീകരിക്കാന്‍ മമ്മൂട്ടിയും എത്തിയിരുന്നു. വിവിധ മേഖലകളില്‍ മികച്ച സംഭാവന നല്‍കിയ വ്യക്തികള്‍ക്കാണ് യുഎഇ ഗോള്‍ഡന്‍ വിസ നല്‍കുന്നത്. മലയാള സിനിമയില്‍ നിന്നുള്ള വ്യക്തികള്‍ക്ക് ഗോള്‍ഡന്‍ വീസ ലഭിക്കുന്നത് ഇതാദ്യമായാണ്. ‘ലൂസിഫറി’നു ശേഷം പൃഥ്വിരാജ് സംവിധാനം ചെയ്യുന്ന ‘ബ്രോ ഡാഡി’ കൂടാതെ ജീത്തു ജോസഫിന്റെ ’12വേ മാന്‍’, സ്വന്തം സംവിധാന അരങ്ങേറ്റമായ ‘ബറോസ്’ എന്നിവയും മോഹന്‍ലാലിന്റെ പുതിയ പ്രോജക്ടുകളാണ്.
