മലയാളത്തിന്റെ മഹാനടന്‍ മോഹന്‍ലാല്‍ അഭിനയ മികവ് കൊണ്ട് പ്രേക്ഷകരെ വിസ്മയിപ്പിച്ച താരമാണ്. താരമൂല്യം കൊണ്ട് അദ്ദേഹം ഇന്ത്യന്‍സിനിമയുടെ തലപ്പത്ത് നില്‍ക്കുകയാണ്. ഈ വര്‍ഷം അറുപതു വയസ്സ് തികയുകയാണ് അദ്ദേഹത്തിന്. പ്രായം 60 തികയുമ്പോഴും അദ്ദേഹം ഫിറ്റ്‌നസിന്റെ കാര്യത്തിലും പുലിയാണ്.
മലയാളത്തിലെ യുവ താരങ്ങള്‍ക്കു പോലുമില്ലാത്ത മെയ് വഴക്കവും അദ്ദേഹത്തിനുണ്ട്. അത് അദ്ദേഹത്തിന്റെ ഡെഡിക്കേഷന്‍കൊണ്ട് മാത്രമാണ്. സംഘട്ടന രംഗങ്ങളില്‍ പുലര്‍ത്തുന്ന മികവും അദ്ദേഹത്തെ മറ്റുള്ളതാരങ്ങളില്‍ നിന്ന് വ്യത്യസ്തമാക്കുകയാണ്. അദ്ദേഹത്തെ എല്ലാ തലമുറയുടേയും ഹീറോയാക്കി മാറ്റാനുള്ള കാരണവും ഇത് തന്നെയാണ്.
ഇപ്പോഴിതാ മോഹന്‍ലാലിന്റെ പുതിയ ഒരു ചിത്രം സോഷ്യല്‍ മീഡിയയില്‍ ആഘോഷമാക്കുകയാണ്. സോഷ്യല്‍മീഡിയയിലൂടെ അദ്ദേഹം തന്നെയാണ് ചിത്രം പുറത്ത് വിട്ടത്. ആരാധകര്‍ കമന്റ് ബോക്‌സുകളില്‍ അദദ്ദേഹത്തിന്റെ അള്‍ട്രാ സ്‌റ്റൈലിഷ് ലുക്കിനെ പ്രകീര്‍ത്തിക്കുകയാണ്. ഡല്‍ഹിയിലെ ലീല പാലസ് ഹോട്ടലില്‍ വച്ചാണ് ഈ ചിത്രം എടുത്തത്. താരം റാം എന്ന പുതിയ ചിത്രത്തിലാണ് ഇപ്പോള്‍ അഭിനയിക്കുന്നത്. ജീത്തു ജോസഫ് ആണ് ചിത്രം സംവിധാനം ചെയ്യുന്നത്. അഭിഷേക് ഫിലിംസ് ആണ് ചിത്രം നിര്‍മ്മിക്കുന്നത്. നായികാ കഥാപാത്രം ചെയ്യുന്നത് തൃഷയാണ്.
