പ്രേക്ഷകമനസ്സുകളിലും സോഷ്യൽ മീഡിയയിലും നിര സാന്നിധ്യമായി നിലകൊള്ളുന്ന മോഹൻലാൽ എന്ന വിസ്മയത്തിന് ഒരു നിമിഷം മതി ഹൃദയങ്ങൾ കീഴടക്കുവാൻ എന്നത് ഏവർക്കും അറിയാവുന്ന ഒരു വസ്തുതയാണ്. അത്തരത്തിൽ ഒന്നാണ് സോഷ്യൽ മീഡിയയിൽ അദ്ദേഹം പങ്ക് വെച്ചിരിക്കുന്ന പുതിയ ചിത്രം. ഓഷോ ലുക്കിൽ എത്തിയിരിക്കുന്ന ചിത്രം ആരാധകർ ഏറ്റെടുത്തിരിക്കുകയാണ്.
ജീത്തു ജോസഫ് തന്നെ ഒരുക്കുന്ന റാമിന്റെ ഷൂട്ടിംഗ് ലോക്ക് ഡൗൺ മൂലം പാതി വഴിയിൽ നിൽക്കുകയാണ് അതോടൊപ്പം. ദൃശ്യം 2 പൂർത്തിയായ ശേഷം റാമിന്റെ ബാക്കി ഭാഗങ്ങളിലേക്ക് ജീത്തു ജോസഫ് കടക്കും. ചിത്രത്തിൽ മോഹൻലാലിന്റെ നായികയായി എത്തുന്നത് തെന്നിന്ത്യൻ താരസുന്ദരി തൃഷയാണ്. ചിത്രം നിർമ്മിക്കുന്നത് അഭിഷേക് ഫിലിംസിന്റെ ബാനറിലാണ്. ഇന്ദ്രജിത് സുകുമാരൻ, ആദിൽ ഹുസൈൻ, കലാഭവൻ ഷാജോൺ, സിദ്ദിഖ്, സായി കുമാർ, ലിയോണ ലിഷോയ്, ദുർഗാ കൃഷ്ണ, ചന്ദുനാഥ്, ആനന്ദ് മഹാദേവൻ, സന്തോഷ് കീഴാറ്റൂർ എന്നിങ്ങനെ നിരവധി താരങ്ങൾ അണിനിരക്കുന്ന ചിത്രമാണ് റാം.
