പ്രിയദർശൻ – മോഹൻലാൽ കൂട്ടുകെട്ടിൽ ഒരുങ്ങുന്ന ബ്രഹ്മാണ്ഡ ചിത്രം മരക്കാർ – അറബിക്കടലിന്റെ സിംഹം ചിത്രീകരണത്തിന്റെ അവസാന നാളുകളിലേക്ക് കടക്കുവാൻ ഒരുങ്ങുകയാണ്. മരക്കാറിന്റെ ഷൂട്ടിംഗ് തീരുന്ന പ്രകാരം ലാലേട്ടന്റെ മറ്റു രണ്ടു പ്രോജക്ടുകളാണ് ചിത്രീകരണത്തിന് തുടക്കം കുറിക്കുന്നത്. ഇതിനെല്ലാം മുൻപായി ഈ മാസം അവസാനം പൃഥ്വിരാജ് – മോഹൻലാൽ കൂട്ടുകെട്ടിൽ ഒരുങ്ങുന്ന ലൂസിഫർ പ്രദർശനത്തിന് ഒരുങ്ങുകയാണ്.
നവാഗതരായ ജിബിയും ജോജുവും ചേർന്ന് സംവിധാനം നിർവഹിക്കുന്ന ഇട്ടിമാണി മെയ്ഡ് ഇൻ ചൈനയാണ് അതിൽ ആദ്യചിത്രം. ഒരു തൃശ്ശൂർകാരന്റെ വേഷത്തിൽ ലാലേട്ടൻ എത്തുന്ന ചിത്രത്തിന്റെ ഷൂട്ടിംഗ് ഏപ്രിൽ മാസത്തിൽ ആരംഭിക്കും. വിദേശത്തുള്ള ചില സീനുകളടക്കം ഒറ്റ ഷെഡ്യൂളിൽ ഇട്ടിമാണി ചിത്രീകരണം പൂർത്തിയാക്കും എന്നാണ് അറിയുന്നത്.
സൂപ്പർഹിറ്റ് സംവിധായകൻ സിദ്ധിഖ് ഒരുക്കുന്ന ബിഗ് ബജറ്റ് എന്റർടൈനർ ബിഗ് ബ്രദറാണ് രണ്ടാമത്തെ ചിത്രം. ജൂൺ മാസത്തോട് കൂടി ചിത്രത്തിന്റെ ഷൂട്ടിംഗ് ആരംഭിക്കുമെന്നാണ് അറിയാൻ കഴിയുന്നത്. ചിത്രത്തിലെ അഭിനേതാക്കളുടെ നിർണയം നടന്നുകൊണ്ടിരിക്കുകയാണ്.
