കേരളത്തില് ഒരു കാലത്ത് തരംഗമായിരുന്ന ബ്രേക്ക് ഡാന്സിന്റെ കഥ പറയുന്ന സിനിമയുമായി സംവിധായകന് എ.കെ വിനോദ്. ‘മൂണ്വാക്ക്’ എന്നാണ് ചിത്രത്തിന്റെ പേര്. ചിത്രത്തിന്റെ ട്രെയ്ലര് പുറത്തെത്തി. എണ്പതുകളുടെ അവസാനത്തിലും തൊണ്ണൂറുകളുടെ തുടക്കത്തിലും ചെറുപ്പക്കാരുടെ ആവേശമായിരുന്ന അമേരിക്കന് പോപ്പ് ഇതിഹാസം മൈക്കിള് ജാക്സണുള്ള ട്രിബ്യൂട്ട് കൂടിയാണീ സിനിമ.
ഫയര്വുഡ് ക്രിയേറ്റീവ്സിന്റെ ബാനറില് ജസ്നി അഹ്മദ് നിര്മ്മിക്കുന്ന മൂണ്വാക്കിന്റെ ഒഫിഷ്യല് ട്രെയ്ലര് നിവിന് പോളിയും മഞ്ജു വാര്യരുമാണ് സോഷ്യല് മീഡിയയിലൂടെ പ്രകാശനം ചെയ്തത്. 130ല് ഏറെ പുതുമുഖങ്ങളാണ് ചിത്രത്തിലെ അഭിനേതാക്കള്. എ കെ വിനോദ്, മാത്യു വര്ഗീസ്, സുനില് ഗോപാലകൃഷ്ണന് എന്നിവര് ചേര്ന്നാണ് ചിത്രത്തിന്റെ രചന നിര്വഹിച്ചിരിക്കുന്നത്.
ഛായാഗ്രഹണം അന്സര് ഷാ. വിനായക് ശശികുമാര്, സുനില് ഗോപാലകൃഷ്ണന് എന്നിവരുടെ വരികള്ക്ക് പ്രശാന്ത് പിള്ള സംഗീതം പകരുന്നു. എഡിറ്റിംഗ് കിരണ് ദാസ്. എക്സിക്യൂട്ടീവ് പ്രൊഡ്യൂസര് അനൂജ് വാസ്. പ്രൊഡക്ഷന് കണ്ട്രോളര് ജാവേദ് ചെമ്പ്. കല സാബു മോഹന്. മേക്കപ്പ് സജി കൊരട്ടി. വസ്ത്രാലങ്കാരം ധന്യ ബാലകൃഷ്ണന്,സ്റ്റില്സ്-മാത്യു മാത്തന്,ജയപ്രകാശ് അതളൂര്, ബിജിത്ത് ധര്മ്മടം,പരസ്യ ക്കല-ഓള്ഡ് മോങ്ക്സ്,ചീഫ് അസോസിയേറ്റ് ഡയറക്ടര്-കെ ആര് ഉണ്ണി. അസോസിയേറ്റ് ഡയറക്ടര് അനൂപ് വാസുദേവന്. നൃത്തസംവിധാനം ശ്രീജിത്ത്. ആക്ഷന് മാഫിയ ശശി,അഷറഫ് ഗുരുക്കള്. വാര്ത്താ പ്രചരണം എ എസ് ദിനേശ്. ചിത്രം ഉടന് റിലീസ് ചെയ്യും.