ദേവോൻ കേ ദേവ് മഹാദേവ് എന്ന ഹിന്ദി സീരിയലിന്റെ മലയാളം മൊഴിമാറ്റമായ കൈലാസനാഥനിലൂടെ മലയാളികൾക്കും സുപരിചിതനായ നടനാണ് മോഹിത് റൈന. പുതുവർഷ ദിനത്തിലാണ് താരം തന്റെ പ്രണയിനി അതിഥി ശർമ്മയെ വിവാഹം കഴിച്ചത്. ര്‍ഘകാലങ്ങളായി ഇരുവരും പ്രണയത്തിലായിരുന്നു. സമൂഹമാധ്യമങ്ങിളിലൂടെയാണ് മോഹിത് വിവാഹവാര്‍ത്ത ആരാധകരെ അറിയിച്ചത്. എല്ലാവരുടെയും സ്‌നേഹവും പ്രാര്‍ഥനകളും തനിക്കുണ്ടാകണമെന്ന്‌ മോഹിത് അറിയിച്ചു. നിരവധി ആരാധകരാണ് താരത്തിന് ആശംസകളുമായി രംഗത്തെത്തിയിരിക്കുന്നത്.
മുൻപ് സീരിയല്‍ താരമായ മൗനി റോയിയുമായി പ്രണയത്തിലായിരുന്ന മോഹിത് പിന്നീട് ആ ബന്ധം ഉപേക്ഷിച്ച ശേഷമായിരുന്നു അഥിതിയുമായി പ്രണയത്തിലായത്.ഡോണ്‍ മുത്തു സ്വാമി എന്ന ചിത്രത്തിലൂടെ സിനിമയില്‍ അരങ്ങേറ്റം കുറിച്ചു. ഉറി-ദ സര്‍ജിക്കല്‍ സ്ര്‌ടൈക്ക്, മിസിസ് സീരിയല്‍ കില്ലര്‍, ഷിദാത് എന്നിവയാണ് മറ്റു ചിത്രങ്ങള്‍.അത്യാഡംബര രീതിയിലാണ് ഇരുവരും വിവാഹ വേദിയിലെത്തിയത്.വെള്ള ഷെർവാണിയാണ് മോഹിത്തിന്റെ വിവാഹവേഷം. അതിഥി ആകട്ടെ പ്രിന്റഡ് ലെഹംഗയിലാണ് വധുവായി ഒരുങ്ങിയത്.
ഇരുവർക്കും വിവാഹത്തിന് ലഭിച്ച സമ്മാനങ്ങളുടെ വില കേട്ട് ഞെട്ടിയിരിക്കുകയാണ് സിനിമാലോകവും പ്രേക്ഷകരും. മുൻ കാമുകിയായ മൗണി റോയ് 2.3 ലക്ഷം വില വരുന്ന ഒരു സ്വർണ്ണമോതിരമാണ് മോഹിതിന് സമ്മാനിച്ചത്. ബോളിവുഡ് നായിക ജാക്‌ലിൻ ഫെർണാണ്ടസ് ഒരു കോടി വില വരുന്ന ഔഡി Q8 ആണ് സമ്മാനമായി നൽകിയത്. ബിഗ് ബോസ് സീസൺ 14 വിജയി റുബീന ദിലൈക്ക് 2 ലക്ഷത്തിന്റെ ഒരു പെൻഡന്റാണ് സമ്മാനിച്ചത്.
3.2 ലക്ഷത്തിന്റെ ഒരു പ്ലാറ്റിനം ചെയിനാണ് നടൻ സിദ്ധാർഥ് നിഗം മോഹിതിന് സമ്മാനിച്ചത്. നടി സോനാരിക ബഡോറിയ നൽകിയതാകട്ടെ 6.8 ലക്ഷം വില മതിക്കുന്ന റോളക്‌സിന്റെ രണ്ടു വാച്ചുകളാണ്. ടെലിവിഷൻ താരം സൗരഭ് രാജ് ജെയിൻ ദമ്പതികൾക്ക് 5.2 ലക്ഷത്തിന്റെ ഒരു ജോഡി ഗോൾഡ് ബ്രേസ്‌ലെറ്റുകൾ സമ്മാനിച്ചുവെന്നാണ് റിപ്പോർട്ട്. മനീഷ് മൽഹോത്ര ഡിസൈൻ ചെയ്‌ത 1.75 ലക്ഷത്തിന്റെ എംബ്രോയിഡറി ചെയ്‌ത ലൈറ്റ് പിങ്ക് ഷെർവാണിയാണ് നടി രാധിക മദൻ മോഹിതിന് സമ്മാനിച്ചത്. നടൻ വിക്കി കൗശലിന്റെ അനുജൻ സണ്ണി കൗശൽ ദമ്പതികൾക്കായി ഒരു ലണ്ടൻ ട്രിപ്പ് ബുക്ക് ചെയ്‌ത്‌ കൊടുത്തപ്പോൾ നടൻ ഋത്വിക് സമ്മാനിച്ചത് 12.1 ലക്ഷം വിലമതിക്കുന്ന ഒരു ഡയമണ്ട് സെറ്റാണ് സമ്മാനിച്ചത്.
