നടി മൃദുല മുരളിയുടെ വിവാഹ നിശ്ചയം നേരത്തെ കഴിഞ്ഞിരുന്നു. ഇപ്പോൾ താരം വിവാഹിതയായി എന്ന വാർത്തയാണ് പുറത്തുവരുന്നത്. അടുത്ത സുഹൃത്തുക്കളും ബന്ധുക്കളും മാത്രമടങ്ങിയ ലളിതമായ ചടങ്ങായിരുന്നു വിവാഹത്തിന്റെത്.
കോവിഡ് പ്രോട്ടോകോൾ പാലിച്ച് കൊണ്ട് വളരെ ലളിതമായ രീതിയിൽ ആയിരുന്നു വിവാഹനിശ്ചയം നടത്തിയിരുന്നത്. നടിമാരായ സുഹൃത്തുക്കളായിരുന്നു വിവാഹനിശ്ചയത്തിന് പ്രധാന ഹൈലൈറ്റ്. മൃദുലയുടെ അടുത്ത സുഹൃത്തുക്കളായ നടി ഭാവന, രമ്യാ നമ്പീശൻ, ഷഫ്ന, ശരണ്യ മോഹൻ, ശിൽപ ബാല, ഗായിക സയനോര, അമൃത സുരേഷ് , സഹോദരി അഭിരാമി സുരേഷ എന്നിവരും ചടങ്ങിൽ പങ്കെടുത്തിരുന്നു. നടന്മാരായ ഹേമന്തും, മണികണ്ഠനും , ഗായകൻ വിജയ് യേശുദാസും ചടങ്ങിനെത്തിയിരുന്നു. മൃദുലയ്ക്കും നിതിനും വേണ്ടി രമ്യയുടേയും സയനോരയുടേയും വിജയ് യേശുദാസ് മണികണ്ഠൻ എന്നിവരുടെ പാട്ടും ഉണ്ടായിരുന്നു.
ഒപ്പം മൃദുലയും നിതിനും ഗാനം ആലപിച്ചു. 2009 ൽ പുറത്തു വന്ന റെഡ് ചില്ലീസ് എന്ന ചിത്രത്തിലൂടെ സ്ക്രീനിലെത്തിയ താരമാണ് മൃദുല. എൽസമ്മ എന്ന ആൺകുട്ടി, അയാൾ ഞാനല്ല, ശിഖാമണി തുടങ്ങിയവയാണ് താരത്തിന്റെ മറ്റ് സിനിമകൾ. രാഗ്ദേശിൽ ക്യാപ്റ്റൻ ലക്ഷമിയായി താരം എത്തിയപ്പോൾ അത് ഏറെ പ്രേക്ഷക സ്വീകാര്യത നേടി കൊടുത്തിരുന്നു.
