മേതിൽ ദേവികയുമായിട്ടുള്ള വിവാഹമോചനത്തെ തുടർന്ന് ഇപ്പോൾ വാർത്തകളിൽ നിറഞ്ഞു നിൽക്കുന്നയാളാണ് നടനും എം എൽ എയുമായ മുകേഷ്. ഇപ്പോഴിതാ മുകേഷിനെതിരെ മറ്റൊരു ആരോപണവും പുറത്തുവന്നിരിക്കുകയാണ്.
2013ലാണ് സംഭവം. കേരള സർക്കാരിന്റെ കാരുണ്യ ഭാഗ്യക്കുറിയുടെ പരസ്യചിത്രത്തിൽ മമ്മൂട്ടി, മോഹൻലാൽ, ഇന്നസെന്റ്, പ്രിയദർശൻ, പൃഥ്വിരാജ്, സുരാജ് വെഞ്ഞാറമൂട്, കെ എസ് ചിത്ര, ദിലീപ്, അശോകൻ, മേനക, ഭാഗ്യലക്ഷ്മി, ജയചന്ദ്രൻ, കാവ്യ മാധവൻ, കവിയൂർ പൊന്നമ്മ, മധു, മനോജ് കെ ജയൻ, മുകേഷ്, കെ എം മാണി എന്നിവർ അഭിനയിച്ചിരുന്നു. മുകേഷ് പ്രതിഫലമായി 6 ലക്ഷം വാങ്ങിയപ്പോൾ മമ്മൂട്ടിയും മോഹൻലാലും അടക്കമുള്ള മറ്റുള്ളവർ പ്രതിഫലം വാങ്ങാതെയാണ് അഭിനയിച്ചത് എന്നാണ് വിവരാവകാശ നിയമം വഴി വെളിപ്പെട്ടത്.
