ആരാധകരുടെ പ്രിയപ്പെട്ട താരപുത്രിയാണ് മുക്തയുടെ മകള്‍ കണ്‍മണി. സോഷ്യല്‍മീഡിയയിലൂടെ താരം മകളുടെ ചിത്രങ്ങളും വിശേഷങ്ങളുമെല്ലാം ആരാധകര്‍ക്കായി പങ്കുവയ്ക്കാറുണ്ട്. നടി മുക്തയുടേയും റിങ്കു ടോമിയുടേയും മകളായ കിയാര എന്ന കണ്‍മണിയ്ക്ക് നാലുവയസായ സന്തോഷവാര്‍ത്തയാണ് താരം പങ്കുവയ്ക്കുന്നത്. ഇപ്പോഴിതാ നാലാം പിറന്നാളാഘോഷിക്കുന്ന കണ്‍മണിക്ക് സര്‍പ്രൈസുമായെത്തിയിരിക്കുകയാണ് മുക്തയും റിമിയും നടി ഭാമയും. ഇവരുടെ പോസ്റ്റുകളെല്ലാം ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്.
റിമി ടോമിയുടെ സഹോദരനാണ് മുക്തയുടെ ഭര്‍ത്താവ്. സഹോദരനെ മുക്തയ്ക്കായി ആലോചിച്ചത് റിമി ടോനമി തന്നെയാണ്. അടുത്തിടെ മുക്ത പെണ്ണു കാണല്‍ ചടങ്ങിന്റെ ഓര്‍മകള്‍ പങ്കുവച്ചിരുന്നു. അഭിനയത്തിന് മുക്ത നല്ലൊരു നര്‍ത്തകി കൂടിയാണ്. വിവാഹത്തിന് ശേഷം താരം അഭിനയ ജീവിതം ഉപേക്ഷിക്കുകയായിരുന്നു. സോഷ്യല്‍ മീഡിയയില്‍ വളരെ സജീവമായ താരം ചിത്രങ്ങളും വിശേഷങ്ങളുമെല്ലാം പ്രേക്ഷകര്‍ക്കായി പങ്കുവയ്ക്കാറുണ്ട്.
തന്റെ കണ്‍മണിക്ക് 4 വയസ്സായെന്ന സന്തോഷം പങ്കുവെച്ചാണ് മുക്ത ഇന്‍സ്റ്റഗ്രാമില്‍ എത്തിയത്്. പെരുമഴക്കാലത്തിലെ ചെന്താര്‍മിഴി എന്ന ഗാനത്തിനൊപ്പം ചുവട് വച്ചാണ് മുക്ത മകള്‍ക്ക് ആശംസകള്‍ നല്‍കിയത്.എന്റെ ജീവിതത്തിലെ ഏറ്റവും നല്ല ദാനമാണ് നീ, മകളെ എനിക്ക് തന്നതിന് ഞാന്‍ ദൈവത്തോട് നന്ദിയുള്ളവളാണ്. നിനക്ക് നാലാം ജന്മദിനാശംസകള്‍ നേരുന്നു. -മുക്ത സോഷ്യല്‍ മീഡിയയില്‍ കുറിച്ചു. നടി ഭാമയും കണ്‍മണിയ്ക്ക് ആശംസകള്‍ അറിയിച്ചിട്ടുണ്ട്.
