നിരവധി മലയാള ചിത്രങ്ങളില്‍ അഭിനയിച്ച് പ്രേക്ഷകര്‍ക്ക് സുപരിചിതയായ താരമാണ് മുക്ത. മിനിസ്‌ക്രീനില്‍ നിന്നും ബിഗ് സ്‌ക്രീനില്‍ എത്തി താരം നിരവധി സൂപ്പര്‍ഹിറ്റ് ചിത്രങ്ങളുടെ ഭാഗമായിട്ടുണ്ട്. സലിംകുമാര്‍ കേന്ദ്രകഥാപാത്രമായ അച്ഛനുറങ്ങാത്ത വീട് എന്ന ചിത്രത്തിലൂടെയാണ് താരം മലയാള സിനിമയില്‍ അരങ്ങേറ്റം കുറിച്ചത്. പിന്നീട് എല്ലാത്തരം കഥാപാത്രങ്ങളും താരത്തെ തേടിയെത്തിയിരുന്നു.
വ്യത്യസ്തമായ കഥാപാത്രങ്ങളും സിനിമകളുമായി മുന്നേറുന്നതിന് ഇടയിലായിരുന്നു താരം വിവാഹിതയായത്. മലയാള സിനിമയിലെ പ്രശസ്ത ഗായികയും അവതാരികയുമായ റിമി ടോമിയുടെ സഹോദരനായിരുന്നു താരത്തെ വിവാഹം ചെയ്തത്. വിവാഹ ശേഷം അഭിനയ ജീവിതത്തില്‍ നിന്നും മാറി നില്‍ക്കുകയായിരുന്നു മുക്ത.
അഭിനയ രംഗത്ത് സജീവമല്ലെങ്കിലും താരം സോഷ്യല്‍ മീഡിയയില്‍ വളരെ സജീവമാണ്. വിശേഷങ്ങള്‍ പങ്കു വെച്ചുളള് എല്ലാ പോസ്റ്റുകളും ശ്രദ്ദേ നേടാറുണ്ട്. അടുത്തിടെ ബ്യൂട്ടി പാര്‍ലര്‍ തുടങ്ങിയ സന്തോഷവും താരം സോഷ്യല്‍ മീഡിയയിലൂടെ പങ്കുവച്ചിരുന്നു. കുക്കിങ്ങിലും കഴിവുണ്ടെന്ന് തെളിയിച്ച പലതരം കുക്കിങ് വീഡിയോകളും ഷെയര്‍ ചെയ്യാറുണ്ട്.ഇപ്പോഴിതാ തങ്ങളുടെ പുതിയ വീട്ടിലേക്ക് മാറിയ സന്തോഷമാണ് താരം ഷെയര്‍ ചെയ്യുന്നത്.തങ്ങളുടെ പുതിയ ഭവനം നിര്‍മ്മിച്ചിട്ട് ഒരു വര്‍ഷം പിന്നിട്ടിരിക്കുകയാണ് എന്നാണ് താരം പറയുന്നത്. പോസ്റ്റ് വളരെ ചുരുങ്ങിയ സമയം കൊണ്ട് വൈറല്‍ ആയി മാറിയിട്ടുണ്ട്. മകള്‍ കിയാരയുടെ ചിത്രവും പോസ്റ്റില്‍ ഉള്‍പ്പെടുത്തിയിട്ടുണ്ട്.
