പെട്രോള്‍ വില വര്‍ധനവിനെതിരെ സോഷ്യൽ മീഡിയയിലൂടെ തുറന്നെഴുത്ത് നടത്തിയ നടനും തിരക്കഥാകൃത്തുമായ മുരളി ഗോപിക്ക് വിമർശന പെരുമഴ. ബൈക്ക് തലതിരിച്ചിട്ട് നൂല്‍ നൂല്‍ക്കുന്ന മോദിയുടെ കാര്‍ട്ടൂണ്‍ ആണ് മുരളി ഗോപി സോഷ്യൽ മീഡിയയിലൂടെ പോസ്റ്റ് ചെയ്തിരിക്കുന്നത്. ഗാന്ധിജി അന്ധാളിച്ച് നോക്കുന്നതും കാര്‍ട്ടൂണിലുണ്ട്. പൊട്ടിച്ചിരിക്കുന്ന ഇമോജിയാണ് നടൻ ചിത്രത്തിന് ക്യാപ്ഷനായി കൊടുത്തിരിക്കുന്നത്.
പോസ്റ്റ് പങ്കുവെച്ചതിന് പിന്നാലെ മുരളി ഗോപിയെ വിമര്‍ശിച്ചും പിന്തുണച്ചും നിരവധിപേരാണ് എത്തിയിരിക്കുന്നത്.ഇവിടെ പെട്രോളിന് വില കൂടുന്നത് മാത്രമാണോ പ്രശ്നം എന്നാണ് ഒരാൾ പോസ്റ്റിനു താഴെ നൽകിയിരിക്കുന്ന കമൻറ്. വെളിച്ചെണ്ണയുടെ വിലയെ പറ്റി ഒരു പോസ്റ്റ് പ്രതീഷിക്കുന്നു ,നമ്മൾ പെട്രോൾ – പാചകവാതകം തുടങ്ങിയ സാധാരണക്കാരന്റെ കാര്യം പറയുമ്പോൾ കമന്റിൽ മൊത്തം ന്യായീകരണ സങ്കികൾ പറയുന്നത് അഫ്ഗാനിസ്ഥാന്റെ കാര്യം എന്നാണ് മറ്റൊരാളുടെ കമൻറ്.
നിങ്ങൾസിനിമാ താരങ്ങൾ ലക്ഷങ്ങളും കോടികളും പ്രതിഫലം വാങ്ങുന്നവരല്ലേ സിനിമ മേഖലയിലുള്ളവരെല്ലാം പ്രതിഫലം കുറക്കൂ തിയററ്ററുകൾക്ക് കുറഞ്ഞ നിരക്കിൽ സിനിമകൾ നൽകൂ ഞങ്ങളെപ്പോലുള്ള കൂലിപ്പണിക്കാർ അന്പത് രൂപ ടിക്കറ്റിന് സിനിമ കാണാൻ സഹായിക്കൂ എന്നും കമൻറുകൾ പുറത്തുവരുന്നുണ്ട്.
