ടോവിനോ നായകനായി എത്തിയ ഗപ്പി എന്ന സൂപ്പര്‍ഹിറ്റ് ചിത്രത്തിലൂടെ മലയാളികള്‍ക്ക് ലഭിച്ച ക്യൂട്ട് താരമാണ് നന്ദന വര്‍മ്മ. ചിത്രത്തിലെ ആമിന എന്ന കഥാപാത്രത്തെ മലയാളികള്‍ അത്ര പെട്ടന്നൊന്നും മറന്നു കാണില്ല. താരത്തിന്റെ മികച്ച പ്രകടനം ഏറെ പ്രേക്ഷക ശ്രദ്ധ നേടിയിരുന്നു. നന്ദന ഇപ്പോള്‍ അഞ്ചാം പാതിര എന്ന ചിത്രത്തിലൂടെ അഭിനയരംഗത്ത് സജീവമാവുകയാണ്.
സോഷ്യല്‍ മീഡിയയില്‍ വളരെ സജീവമായ നന്ദനയുടെ ഏറ്റവും പുതിയ ചിത്രങ്ങളാണ് ഇപ്പോള്‍ വൈറലാകുന്നത്. വളരെ ചുരുങ്ങിയ സമയം കൊണ്ടാണ് ചിത്രങ്ങള്‍ ആരാധകര്‍ ഇരുകയ്യും നീട്ടി സ്വീകരിച്ചത്. താരത്തിന്റെ പുറത്തിറങ്ങിയ ഏറ്റവും പുതിയ ചിത്രമാണ് കുഞ്ചാക്കോ ബോബന്‍ നായകനായ അഞ്ചാം പാതിര. ചിത്രത്തില്‍ ഒരു ശ്രദ്ധേയമായ വേഷം താരം കൈകാര്യം ചെയ്തിരുന്നു.
പുതിയ ചിത്രങ്ങള്‍ കണ്ട് ഗപ്പിയിലെ ആമിനക്കുട്ടി ആളാകെ മാറിപ്പോയി എന്നാണ് ആരാധകരുടെ വിലയിരുത്തല്‍. ഇതിനു മുന്‍പും ഫോട്ടോ ഷൂട്ടുകള്‍ നടത്തിയിട്ടുണ്ട്. എല്ലാം സോഷ്യല്‍ മീഡിയയില്‍ ഇടം നേടിയിട്ടുള്ളവയാണ് .താരത്തിന്റെ കണ്ണുകളും ചിരിയും ആണ് ഏറ്റവും കൂടുതല്‍ ആരാധകരെ ആകര്‍ഷിക്കാറുള്ളത്. സോഷ്യല്‍ മീഡിയയിലൂടെ നിരവധി കമന്റുകള്‍ താരത്തിനു വരുന്നുണ്ട്. ഇനി മലയാള സിനിമയില്‍ സജീവമാകാനാണ് നന്ദനയുടെ തീരുമാനം.സോഷ്യല്‍ മീഡിയയില്‍ നിരവധി ആരാധകരുള്ള താരമാണ് നന്ദന. ഒരിടയ്ക്ക് താരത്തിനെതിരെ സൈബര്‍ ആക്രമണം ഉണ്ടായിരുന്നു, അന്ന് വിമര്‍ശകര്‍ക്ക് തക്കതായ മറുപടി യും നന്ദന നല്‍കിയിരുന്നു.
