മലയാളികള്‍ മാത്രമല്ല, കേരളത്തിന് പുറത്തുള്ള ദക്ഷിണേന്ത്യന്‍ സിനിമാ പ്രേക്ഷകരും, ഉത്തരേന്ത്യന്‍ സിനിമാ പ്രേക്ഷകരും, ഇന്ത്യന്‍ സിനിമകളെ സ്‌നേഹിക്കുകയും വിലയിരുത്തുകയും ചെയ്യുന്ന വിദേശികളായ സിനിമാ പ്രേക്ഷകരുമെല്ലാം അഭിനന്ദനങ്ങൾ കൊണ്ട് മൂടിയ ചിത്രമാണ് മോഹൻലാലും ജീത്തു ജോസഫും ഒന്നിച്ച ദൃശ്യം 2. തെലുങ്കിലും ചിത്രം റീമേക്ക് ചെയ്‌തിരുന്നു. ഇപ്പോഴിതാ ചിത്രത്തിന്റെ കന്നഡ റീമേക്ക് പ്രദർശനത്തിനൊരുങ്ങുകയാണ്. വി രവിചന്ദ്രൻ നായകനാകുന്ന ചിത്രം ഡിസംബർ പത്തിനാണ് തീയറ്ററുകളിൽ എത്തുന്നത്.
പി വാസു സംവിധാനം നിർവഹിക്കുന്ന ചിത്രത്തിൽ നായികയാകുന്നത് മലയാളികളുടെ പ്രിയങ്കരിയായ നവ്യ നായരാണ്. ഇപ്പോൾ താരം സോഷ്യൽ മീഡിയയിൽ പങ്ക് വെച്ച ഒരു വീഡിയോയാണ് ശ്രദ്ധേയമാകുന്നത്. ‘ലേലു അല്ലു ലേലു അല്ലു ലേലു അല്ലു എന്നെ അഴിച്ചുവിട് .. ദൃശ്യം ലൊക്കേഷനിൽ എന്റെ അവസ്ഥ🤣🤣..’ എന്ന ക്യാപ്ഷനോട് കൂടിയാണ് കന്നഡ പഠിക്കുന്ന വീഡിയോ നവ്യ പങ്ക് വെച്ചിരിക്കുന്നത്. ആരോഹി നാരായൺ, ആശ ശരത്‌, പ്രഭു, അനന്ത് നാഗ്, പ്രമോദ് ഷെട്ടി, ലാസ്യ നാഗരാജ് തുടങ്ങിയവരും ചിത്രത്തിൽ അഭിനയിക്കുന്നുണ്ട്.
View this post on Instagram
ഇഷ്ടം എന്ന സൂപ്പർഹിറ്റ് ചിത്രത്തിലൂടെ അഭിനയരംഗത്തേക്ക് കടന്നുവന്ന നവ്യാ നായർക്ക് ഒരു നടിയെന്ന നിലയിൽ വലിയ അംഗീകാരങ്ങൾ ലഭിച്ചത് രഞ്ജിത്ത് രചിച്ച് സംവിധാനം ചെയ്ത നന്ദനം എന്ന ചിത്രത്തിലൂടെയാണ്. ആ ചിത്രത്തിലെ ബാലാമണി എന്ന കഥാപാത്രം നവ്യാ നായർക്ക് നേടിക്കൊടുത്ത പ്രശസ്തി വളരെ വലുതാണ്. വിവാഹത്തിനു ശേഷം അഭിനയ ജീവിതത്തിൽ നിന്നും വിട്ടുനിന്ന നവ്യാനായർ ഇപ്പോൾ നൃത്ത പരിപാടികളിലും ടെലിവിഷൻ പരിപാടികളിലും സജീവമാണ്.
