ലേഡി സൂപ്പർസ്റ്റാർ നയൻതാര ഇനി സ്റ്റൈൽ മന്നൻ രജനികാന്തിന്റെ അയൽക്കാരി. ചെന്നൈ നഗരത്തിലെ ആഡംബര ഭവനങ്ങളുടെ കേന്ദ്രമായ പോയസ് ഗാർഡനിൽ നയൻതാര വീട് സ്വന്തമാക്കി. രജനികാന്ത് ഉൾപ്പെടെ പല പ്രമുഖരുടെയും വീട് ഇരിക്കുന്ന സ്ഥലമാണിത്. തമിഴ്നാട് മുൻ മുഖ്യമന്ത്രി ജയലളിതയുടെ വീടും പോയസ് ഗാർഡനിൽ ആയിരുന്നു. നാല് കിടപ്പുമുറികൾ അടങ്ങിയ ഒരു വീടാണ് നയൻതാര പോയസ് ഗാർഡനിൽ സ്വന്തമാക്കിയിരിക്കുന്നത് എന്നാണ് റിപ്പോർട്ടുകൾ. താമസിയാതെ തന്നെ പുതിയ വീട്ടിലേക്ക് താരം താമസം മാറുമെന്നാണ് റിപ്പോർട്ടുകൾ.
പോയസ് ഗാർഡനിൽ രജനികാന്തിന്റെ വീടിനോട് ചേർന്നാണ് മരുമകൻ ധനുഷ് തന്റെ പുതിയ ആഡംബരഭവനം പണിയുന്നത്. വിഘ്നേഷ് ശിവനൊപ്പം താമസിയാതെ തന്നെ താരം പുതിയ വീട്ടിലേക്ക് താമസം മാറുമെന്നാണ് റിപ്പോർട്ടുകൾ. അതേസമയം, പോയസ് ഗാർഡനിൽ തന്നെ വേറൊരു വീട് കൂടി സ്വന്തമാക്കാനുള്ള തയ്യാറെടുപ്പിലാണ് താരമെന്നും റിപ്പോർട്ടുകളുണ്ട്.
അതേസമയം, എത്ര രൂപയ്ക്കാണ് നയൻതാര പോയസ് ഗാർഡനിൽ വീട് വാങ്ങിയതെന്ന് വ്യക്തമല്ല. പക്ഷേ, കോടികൾ വിലമതിക്കുന്നതാണ് വീട് എന്നാണ് റിപ്പോർട്ടുകൾ. നയൻതാരയുടെയും കാമുകൻ വിഘ്നേഷ് ശിവന്റെയും വിവാഹം കഴിഞ്ഞതായും ഉടൻ തന്നെ ഇവരുടെ വിവാഹം ഉണ്ടാകുമെന്നും റിപ്പോർട്ടുകളുണ്ട്. വിവാഹം കഴിഞ്ഞാൽ നയൻതാരയും വിഘ്നേഷ് ശിവനും പുതിയ വീട്ടിൽ ആയിരിക്കും താമസിക്കുക.
