തെന്നിന്ത്യയിലെ താരറാണി നയന്‍താര ആദ്യമായി പൊതുവേദിയില്‍ തന്റെ പ്രണയം തുറന്നു പറഞ്ഞിരിക്കുകയാണ്. തെന്നിന്ത്യന്‍ സിനിമാലോകം ഏറ്റവും കൂടുതല്‍ കാത്തിരിക്കുന്നത് വിഘ്‌നേശ്വരനും നയന്‍താരയുടെയും വിവാഹമാണ്. പക്ഷേ ഇരുവരും തങ്ങളുടെ വിവാഹത്തിന്റെ കാര്യം ഇതുവരെ തുറന്നു പറഞ്ഞിട്ടില്ല. സോഷ്യല്‍ മീഡിയയിലൂടെ വിഘ്‌നേഷ് ഇരുവരുമൊത്തുള്ള ചിത്രങ്ങള്‍ പങ്കുവയ്ക്കും എങ്കിലും ഇതുവരെ പ്രണയം തുറന്നു പറഞ്ഞിട്ടില്ല.
സോഷ്യല്‍ മീഡിയ പോസ്റ്റുകളിലൂടെ ആണ് പറയാതെ പ്രണയം വെളിപ്പെടുത്തുന്നത്. ഈ കഴിഞ്ഞ ദിവസം സീ ടെലിവിഷന്‍ അവാര്‍ഡ് നിശയില്‍ പുരസ്‌കാര സ്വീകരിക്കാനെത്തിയ താരത്തിന്റെ ലുക്ക് ഏറെ ശ്രദ്ധിക്കപ്പെട്ടിരുന്നു. ചിത്രങ്ങള്‍ സോഷ്യല്‍ മീഡിയയില്‍ വൈറല്‍ ആയിരുന്നു. താരം പറഞ്ഞ വാക്കുകളാണ് ഇപ്പോള്‍ വാര്‍ത്തകളില്‍ ഇടം നേടുന്നത.് ജീവിതത്തില്‍ താന്‍ ഇപ്പോള്‍ വളരെ സന്തോഷവതിയാണെന്നും തന്റെ മുഖത്തു നിങ്ങള്‍ക്ക് അത് കാണാനാകും എന്നും താരം പറഞ്ഞു.
ജീവിതത്തില്‍ ഒരാള്‍ക്ക് വേണ്ടത് ഏറ്റവും കൂടുതല്‍ മനസ്സമാധാനം ആണ്. എനിക്ക് ഇപ്പോള്‍ അതുണ്ട്, കുടുംബത്തിലും സമാധാനമുണ്ട്. # ആ സമാധാനം #നിങ്ങള്‍ക്ക് ചിലപ്പോള്‍ നിങ്ങളുടെ അച്ഛനോ അമ്മയോ ഭര്‍ത്താവ് ഭാര്യ ആയിരിക്കാം നല്‍കുന്നത്, അത് ഞാനിപ്പോള്‍ അനുഭവിക്കുകയാണെന്നും താരം പറഞ്ഞു.
