മോഹന്‍ലാല്‍ – ജീത്തു ജോസഫ് ബ്ലോക്ക്ബസ്റ്റര്‍ ചിത്രം ദൃശ്യത്തിന്റെ രണ്ടാം ഭാഗമായ ദൃശ്യം 2 ആദ്യ ഭാഗത്തോടെ സമ്പൂര്‍ണ നീതി പുലര്‍ത്തിയെന്നാണ് ചിത്രം കണ്ട പ്രേക്ഷകര്‍ ഒന്നടങ്കം പറയുന്നത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മിച്ചിരിക്കുന്നത്. മോഹന്‍ലാല്‍, മീന, സിദ്ദിഖ്, മുരളീ ഗോപി, ആശ ശരത്ത്, ഗണേഷ് കുമാര്‍ തുടങ്ങിയവരാണ് ചിത്രത്തില്‍ അഭിനയിച്ചിരിക്കുന്നത്. അര്‍ധരാത്രി 12ന് ആമസോണ്‍ പ്രൈമിലൂടെയായിരുന്നു ചിത്രത്തിന്റെ റിലീസ്. കോവിഡ് പ്രതിസന്ധി മൂലമാണ് ദൃശ്യം 2 ഒടിടി റിലീസാക്കാന്‍ നിര്‍മാതാക്കള്‍ തീരുമാനിച്ചത്. ഇപ്പോഴിതാ ചിത്രം കണ്ട നടന്‍ നീരജ് മാധവിന്റെ വാക്കുകള്‍ വൈറലായിരിക്കുകയാണ്.
ഈ സിനിമ തീയേറ്ററില്‍ ഉണ്ടാക്കുമായിരുന്ന ഓളം എന്നാണ് നീരജ് ദൃശ്യത്തെക്കുറിച്ച് പറഞ്ഞത്.
ഈ സിനിമ തീയേറ്ററിൽ ഉണ്ടാക്കുമായിരുന്ന ഓളം !!!
#drishyam2 is just brilliant! hats off to these two pillars and the entire crew! 👏🏽Posted by Neeraj Madhav on Friday, 19 February 2021
