ഏറെ ശ്രദ്ധ പിടിച്ചുപറ്റിയ ക്വീൻ സിനിമയുടെ സംവിധായകൻ ഡിജോ ജോസ് ആന്റണി ലാലേട്ടനെ വെച്ചൊരുക്കുന്ന കൈരളി TMTയുടെ പരസ്യം ‘നെഞ്ചിനകത്ത്’ പ്രോമോ ശ്രദ്ധേയമാകുന്നു. ഗുസ്‌തി ചാമ്പ്യൻ ആയിരുന്ന ലാലേട്ടനെ ഓർമകൾക്കൊപ്പം ഗോദയിലേക്ക് വീണ്ടും കൊണ്ട് വരുന്ന പരസ്യത്തിന്റെ ആശയവും ഡിജോ ജോസിന്റേത് തന്നെയാണ്. പ്രകാശ് വേലായുധനാണ് ക്യാമറ കൈകാര്യം ചെയ്‌തിരിക്കുന്നത്‌. ജേക്സ് ബിജോയിയുടെ സംഗീതവും മുന്നിട്ട് നിൽക്കുന്നു. “ചില ഓർമ്മകൾ എന്നും കരുത്തുറ്റവയാണ്…അത്തരത്തിൽ നെഞ്ചിനകത്തുള്ള ഒരു പഴയ ഓർമ്മയിലേക്ക് ഒരു മടക്ക യാത്ര…കൈരളി TMT യുടെ കരുത്തുറ്റ ചിന്തകൾക്കൊപ്പം, ഗോദയിലേക്ക് വീണ്ടുമൊരു ചുവടു വയ്പ്പ് !” എന്ന ക്യാപ്ഷനോട് കൂടിയാണ് പ്രോമോ ഷെയർ ചെയ്‌തിരിക്കുന്നത്‌.
