12 വർഷങ്ങൾക്കു ശേഷം മമ്മൂട്ടി തമിഴിൽ എത്തിയ ചിത്രമാണ് പേരൻമ്പ്‌. വലിയ സ്വീകാര്യതയാണ് ചിത്രത്തിന് തീയേറ്ററുകളിൽ ലഭിച്ചത്. ഇപ്പോഴിതാ മമ്മൂട്ടി വീണ്ടും തമിഴിലേക്ക് എത്തുകയാണ്. തമിഴിൽ നിർമ്മിക്കുന്ന വിജയ് സേതുപതിയും നയൻതാരയും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിൽ മമ്മൂട്ടിയും ഒരു കേന്ദ്ര കഥാപാത്രമായി എത്തുന്നുണ്ട് എന്ന വാർത്തകളാണ് ഇപ്പോൾ പുറത്തുവരുന്നത്.
ഔദ്യോഗികമായ സ്ഥിരീകരണമൊന്നും വന്നിട്ടില്ലെങ്കിലും തമിഴ് ബോക്സ് ഓഫീസിനെ ഇളക്കിമറിക്കുന്ന ചിത്രമായിരിക്കുമിത്. നവാഗതനായ വിപിൻ സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഈ വർഷം തന്നെ ആരംഭിക്കും. ജയറാമിനൊപ്പം മാർക്കോണി മത്തായി എന്ന ചിത്രത്തിൽ അഭിനയിച്ചു കൊണ്ട് വിജയ് സേതുപതി മലയാളത്തിലേക്ക് അരങ്ങേറ്റം നടത്തിയിരുന്നു. നിലവില്‍ തെലുങ്കില്‍ ഒരുങ്ങുന്ന ബ്രഹ്മാണ്ഡ ചിത്രമായ സെയ് റാ നരസിംഹ റെഡ്ഡി എന്ന ചിത്രത്തില്‍ അഭിനയിച്ച് കൊണ്ടിരിക്കുകയാണ് വിജയ് സേതുപതി.
